Trembëdhjetë parti e mbështetën dhe e nënshkruan Deklaratën për përgjigje nacionale të qëndrueshme ndaj HIV dhe dhanë përpjekje publike për ndërmarrjen e aksioneve prioritare për sigurimin e vazhdimësisë së programeve për parandalimin dhe mbështetje për HIV, të dedikuara për grupet me rrezik të veçantë nga HIV.
Partitë politike, u obliguan, që përmes deputetëve në përbërjen e re parlamentare, gjegjësisht përfaqësuesit në pushtetin ekzekutiv, pas zgjedhjeve parlamentare më 11 dhjetor 2016, të iniciojnë dhe të mbështesin:
- Sigurimin e mjeteve financiare nga buxheti nacional, në bazë të dëshmive dhe vlerësimeve dhe analizave të sakta metodologjike, me të cilat do të sigurohet qëndrueshmëri e programeve parandaluese themelore për parandalim dhje mbështetje nga HIV për grupet me rrezik të veçantë nga HIV
- Përgatitjen dhe miratimin e mekanizmave efektiv ligjor dhe/ose nënligjor, me të cilat do të sigurohet financim shtetëror afatgjatë dhe i qëndrueshëm i programeve për HIV për qytetarët social të përjashtuar dhe grupet nën rrezik të veçantë nga HIV
Deklaratën e nënshkruan këto parti politike: Përtëritja Demokratike për Maqedoninë, Lidhja Demokratike, Lëvizja për reforma PDSH, Dinjiteti, E Majta, Partia Liberale, Partia Liberale Demokratike, Partia e Re Socialdemokrate, Partia për të ardhme evropiane, Partia për Emancipim të Tërësishëm të Romëve, Lidhja Socialdemokrate e Maqedonisë, UNITETI dhe FRODEM.
Nënshkrimi i deklaratës ishte në kuadër të tryezës së rrumbullakët me temë Sigurimi i qëndrueshmërisë së programeve për parandalim, kujdes dhe mbështetje për HIV. Qëllimi i takimit ishte të identifikohen pengesat kyçe në sigurimin e qëndrueshmërisë së programeve për HIV dhe të fillojë dialogu mes organizatave qytetare dhe partive politike për ndërmarrjen e aksioneve urgjente për pengimin e infektimeve të reja dhe rasteve të vdekjes nga HIV në Republikën e Maqedonisë, pas tërheqjes së mbështetjes ndërkombëtare në vitin 2017. Gjatë takimit fjalë e tyre e patën përfaqësuesit e institucioneve dhe trupave nacionale relevante, organizatave ndërkombëtare dhe sektorit civil, të cilët marrin pjesë në krijimin dhe zbatimin e politikave në fushën e HIV, si dhe përfaqësues të partive politike në vend.
