Liria e fjalës nuk duhet të jetë justifikim për manipulim dhe shpifje, as për nxitje të urrejtjes ndaj të rinjve LGBTI që janë edhe 4 herë më të ekspozuar ndaj dhunës
Pas gënjeshtrës së fundit të publikuar nga Gordana Goxho, kryetare e shoqatës “Prej nesh për ne” dje është paralajmëruar protestë e organizatës së sapoformuar “Fronti i prindërve” nga Strumica, në të cilën përmbajte nga lënda Edukimi për shkathtësitë jetësore janë përsëri të ndërlidhura me edukimin gjithëpërfshirës seksual (EGJS) dhe me punën e HERA. Synimi është tendencioz sepse bazohet vetëm në spekulime dhe pretendime të pabazuara, gjë që vërtetohet edhe nga fjalimi i përfaqësueses të organizatës në vetë ngjarjen.
Faktet treguan se lënda Edukimi për shtkathtësitë jetësore u fut si lëndë zgjedhore në arsimin e mesëm në vitin 2011 dhe vendimi i qeverisë për pilotimin e EGJS-së u miratua në vitin 2019. Nga kjo konkludojmë se jo vetëm vazhdon, por edhe forcohet tendenca për të krijuar një imazh për EGJS-së me materiale mësimore që nuk janë pjesë e reformave në arsim, por edhe për të shkatërruar reputacionin e HERA-s si një organizatë që prej më shumë se 20 vitesh avokon për akses më të mirë në shërbimet dhe informacionin për shëndetin seksual dhe riprodhues.
Hulumtimet, megjithatë, tregojnë se në Republikën e Maqedonisë së Veriut të rinjtë e moshës 15 deri në 18 vjeç janë më të ekspozuar ndaj dhunës, ndryshe nga grup moshat e tjera në vend, dhe se të rinjtë që i përkasin grupit LGBTI janë ngacmuar në shkollë deri në katër herë më shpesh se moshatarët heteroseksualë [1]. Se dhuna nga bashkëmoshatarët është ndër format më të zakonshme të dhunës në shkolla dhe dhuna ndaj të rinjve LGBTI konfirmohet çdo ditë nga nxënës të shkollave të mesme që nuk janë pjesë e këtij komuniteti. [2]
Duke marrë parasysh këtë, por edhe faktin që mbi 80% e popullsisë nuk dëshiron të ketë fqinj një person LGBTI, mendojmë se është jo vetëm hipokrite, por edhe jashtëzakonisht e papërgjegjshme për prindërit që thonë se kujdesen për fëmijët e tyre, e në të njëjtën kohë mbjellin panik dhe frikë dhe me aktivitetet e tyre të organizuara të nxisin edhe më shumë gjuhën e urrejtjes dhe paragjykimin ndaj një prej grupeve më të stigmatizuara të qytetarëve në vend. A nuk janë edhe të rinjtë LGBTI fëmijë për të cilët duhet të kujdesemi?
Në një vend me nivel të lartë korrupsioni, varfëri në rritje dhe institucione jofunksionale, është më e lehtë të tërheqësh zemërimin mbi kurrizin e bashkëqytetarëve më të pambrojtur, edhe pse ata janë ata që e vuajnë më së shumti – nëse fare! – ata mund të ushtrojnë të drejtat e tyre më elementare dhe të jetojnë të sigurt!
Për këtë arsye, i bëjmë thirrje edhe një herë të gjithë qytetarëve, e veçanërisht prindërve dhe të rinjve, që të mos e marrin si të gatshëm informacionin për edukimin seksual gjithëpërfshirës dhe reformat arsimore dhe të mos bien nën ndikimin e lëvizjes së organizuar antigjinore në vend, i cili është larg të qenit autentik dhe i kujdesshëm, dhe gjithnjë e më shumë me synimin për të mbrojtur vlerat e dëmshme patriarkale në kurriz të të drejtave të njeriut dhe lirive seksuale dhe riprodhuese të të gjithë qytetarëve.
[1] Qostarova-Unkovska, L., A kemi fitues? Pabarazitë gjinore në perspektivat shëndetësore dhe jetësore të adoleshentëve nga Maqedonia e Veriut Gjetjet nga Studimi – Sjelljet e lidhura me shëndetin tek fëmijët e moshës shkollore (11, 13 dhe 15 vjeç) HBSCM http://coalition.org.mk/wpcontent/uploads /2019/ 11/margini_neednakvosti_final.pdf
[2] https://hera.org.mk/istrazhuvane-nasilstvoto-vrz-lgbti-mladite-e-nevidlivo-za-struchnite-sluzhbi-vo-uchilishtata-vo-skopje/Liria e fjalës nuk duhet të jetë justifikim për manipulim dhe shpifje, as për nxitje të urrejtjes ndaj të rinjve LGBTI që janë edhe 4 herë më të ekspozuar ndaj dhunës