(Македонски) Лекари, социјални работници, правници, психолози и специјални едукатори и рехабилитатори бараат воведување на сеопфатното сексуално образование во училиштата! Едногласно барајќи од Владата на Република Северна Македонија и Министерството за образование и наука да им осигураат системски пристап до научно засновани информации за сексуалното и репродуктивното здравје на сите млади во земјава, релевантните стручни здруженија и организации ја потпишаа Декларацијата „Со сексуално образование во училиштата до поздрава и побезбедна младина“

(Македонски) Новиот младински центар, прв од ваков вид во Куманово, ќе нуди бесплатни и доверливи психолошки услуги за младите, дистрибуција на информативни материјали за сексуално и репродуктивно здравје, врснички едукации за сексуално и репродуктивно здравје, како и простор за младински активизам за сите млади!

(Македонски) Сеопфатното сексуално образование нѐ учи за здравје! И ги учи младите дека секое прашање заслужува одговор – точен, се разбира! Па, пролистајте! Дизајн: Теано Кардула

(Македонски) Обединувајќи домашни и странски говорници и над педесетина присутни, на конференцијата „Грижи се машки – Од свесност до вклученост“, што ја организиравме со @reactormkd, зборувавме за советувањето и работата со сторителите на родово базирано насилство и за превенцијата на родово базираното насилство.

(Македонски) Сѐ повеќе луѓето имаат мислење за ССО - и тоа е одлично бидејќи редно беше да почнеме и јавно да зборуваме за сексуалното репродуктивно здравје и права. Но, не смееме да заборавиме кому му треба ССО. Кој ќе учи за темите на ССО? Зошто сме тука каде што сме и заради кого постојано нагласуваме дека ССО е реална и секојдневна потреба? И додека мислењата за ССО полнат цел еден спектар, одговорот на овие прашања е само еден: младите! Младите се тие кои најсилно и на своја кожа ги чувствуваат последиците од немањето на информации - и кои токму затоа бараат ССО! Нивниот глас треба да е најгласен и најважен, па затоа минатиот месец ги прашавме: Што ве научи ССО? Еве што ни одговорија.

(Македонски) ХЕРА немаше да постои да не беа шест студенти по медицина кои младешки тврдоглаво решија да одат наспроти ветрот. ХЕРА немаше да опстане без цврстата партнерска рака и безусловната поддршка што ја добивме низ годините ниту без жарот, упорноста и посветената работа на уште цела низа луѓе – кои неретко доаѓаа и од самите маргинализирани заедници – со кои ја делиме визијата за општество без неправди, општество во кое сите луѓе ќе можат да ја уживаат својата сексуалност слободно и во социјална благосостојба. Конечно, ХЕРА немаше да биде ова што е денес да не се неуморните даватели на услуги, чија работа е во сржта на нашето постоење и уште една група вработени во организацијата без кои ХЕРА не би била сето она што го славиме денес. Убедени сме дека немаше да стигнеме дотука сами па токму затоа, по повод нашата 20-годишнина, им оддадовме признание на донатори, партнерски организации, стручни соработници, новинари, активисти, државни службеници, даватели на услуги и основоположници на организацијата - зашто од прва рака знаеме што значи да се поддржат првите чекори, да се препознаат резултатите и да се даде ветар во грб. #20годиниХЕРА

(Македонски) Дали е среќен 8 Март, ако ти си „дежурната виновничка“ за однесувањето на другите? Марширавме за да потсетиме на вистината: ТИ НЕ СИ ВИНОВНА! Благодарение на Ванчо Џамбаски, целосно визуелно патување низ осмомартовскиот марш за женски права, можете да добиете тука: http://bit.ly/маршгалерија

(Македонски) Од 17 до 24 мај, под мотото „Тестирај. Лекувај. Превенирај“, се одржува пролетната Европска недела на тестирање, кон која се приклучуваме за и кај нас да се зголеми бројот на луѓе кои се тестираат за ХИВ и за другите сексуално преносливи инфекции, како дел од грижата за сопственото здравје: https://hera.org.mk/pocnuva-proletnata-evropska-nedela-hiv-spi/

Në konferencën Gjithëpërfshirëse të Edukimit Seksual (VSE) "Chuck Chuck, më vjen keq që po ju shqetësoj, VSE a keni?" Prezantoi një model model dhe program për prezantimin e edukimit seksual në shkollat fillore dhe të mesme.