Документ зa јавни политики – Препораки за вклучување на родовата еднаквост и социјалната инклузија (РЕСИ) во Законот за здравствено осигурување

Целта на овој документ е да ги прикаже наодите и можностите за вклучување на родовата еднаквост и социјалната инклузија (РЕСИ) во Законот за здравственото осигурување и да даде оценка на оправданоста за промена на регулативата во областа на здравственото осигурување поврзана со РЕСИ. Тоа подразбира опфат на лица од ранливи и маргинализирани категории по која било основа, покриеност на услугите за социјално исклучени групи и еднаквост во пристапот до тие услуги.

Што се уредува со Законот за здравственото осигурување? Со Законот се регулира пристап до здравствените услуги за сите граѓани врз принцип на еднаквост и инклузивност и се утврдуваат условите и процедурите за користење на здравственото осигурување, со акцент на заштита на здравјето на населението и ефикасно користење на финансиските средства. Во согласност со Законот, здравственото осигурување се востановува како задолжително и доброволно. Задолжително здравствено осигурување го спроведува Фондот за здравствено осигурување и се однесува на сите граѓани заради обезбедување на здравствени услуги и парични надоместоци врз начелата на сеопфатност, солидарност, еднаквост и ефективно користење на средствата. Доброволното здравствено осигурување го спроведуваат осигурителните друштва во согласност со овој Закон и со Законот за доброволно здравствено осигурување.

Прочитајте ги конкретните препораки за унапредување на законот низ призмата на РЕСИ. Документот за јавни политики е достапен на македонски, албански и  англиски јазик.