MK

Младински центри „Сакам да знам“

Нашите два младински центри за сексуално и репродуктивно здравје „Сакам да знам“ во Скопје се наоѓаат на Водно и во Шуто Оризари и се отворени секој работен ден.

ВАЖНО! Младинските центри се отворени за прием, закажување и нудење на услуги, со почитување на протоколот за заштита (задолжително носење на маски, ракавици и дезинфекција на раце). Притоа, ХЕРА ги обезбедува сите заштитни материјали за клиентите.

Tермин може да закажете лично во нашите младински центри или телефонски на соодветните телефонски броеви дадени подолу, како и на телефонскиот број +389 (0)2 3290 395. Термин може да закажете и електронски на „Онлајн закажување прегледи“ (за тестирање за ХИВ, пишете директно на hivtest@hera.org.mk).

„Сакам да знам“ – Водно

  • Ул. Елисие Поповски Марко бр. 2, 1000 Скопје
  • 02/3176-950

Girl in a jacket

„Сакам да знам“ – Шуто Оризари

  • Ул. Индира Ганди бб (Здравствен дом во Шуто Оризари)
  • 02/2651-955

Girl in a jacket

Преку нив ги даваме следните бесплатни и доверливи услуги:

 

  • Гинеколошки услуги
    – Дијагностика на сексуално преносливи инфекции (гонореја, сифилис, хламидија, кандида) преку ПАП-тест и други микробиолошки тестови;
    – Администрирање терапија и контрацепција (кондоми, спирала, орална и итна контрацепција);
    – Советување за планирање родителство и превенција на непланирана бременост, бимануелен преглед и ЕХО преглед, тестови за бременост.

 

  • Дерматовенеролошки прегледи
    – Крио-терапија за кожни промени и кондиломи и друг тип на терапија наменета за кожни промени;
    – Дијагностика и терапија за сексуално преносливи инфекции (гонореја, сифилис, трихомонијаза, хламидија);
    – Советување за превенција на сексуално преносливи инфекции (гонореја, сифилис, трихомонијаза, хламидија).

*„Доколку сакате да закажете тестирање за сексуално преносливи инфекции за кои тестовите се прават преку земање примерок со брис (гонореја и хламидија), важно е да немате уринирано три часа пред закажаниот термин.“
 

  • Тестирање и советување за ХИВ

 

  • Услуги од социјален работник и психолог
    – Информации и советување за добивање документи за лична идентификација;
    – Информации и советување за социјални права (социјална заштита, пензиско и инвалидско осигурување);
    – Контакти/средби со/во институции/организации во име на клиент;
    – Информирање и придружување во соодветна социјална институција за остварување на одредено право;
    – Советување за социјално вклучување и справување со кризни ситуации;
    – Информирање и советување за здравствени права (права на пациенти, здравствена заштита, здравствено осигурување);
    – Советување и поддршка поврзана со родовобазирано насилство, вклучително и семејно насилствo;
    – Психо-социјални советувања: советување за сексуалност, сексуални врски, врски; пубертет (телесни и психички промени), меѓуврснички релации и конфликти, промени и криза во адолесценција; психолошка поддршка во справување со кризи; советување за малолетнички бракови и малолетничка бременост; бихевиорално советување.

 

  • Врсничко информирање за ХИВ и за сексуалното и репродуктивното здравје

    • – Информирање за тоа како и каде може да се направи ХИВ-тест;
    – Информирање за тоа каде може да се разговара или пријави одреден проблем или потреба поврзана со сексуалното и репродуктивното здравје;
    – Информирање за услугите што ги нудат младинските центри „Сакам да знам“ во Скопје и во Куманово;
    – Информирање во врска со врсничките едукации за сеопфатно сексуално образование

     

  • Врсничка едукација за сеофатно сексуално образование (предводени од страна на сертифицирани обучувачи)

 

  • Дистрибуција на кондоми, лубриканти и едукативни материјали

 

  • Советување за превенција на употреба на дроги