Дискриминацијата е појава која се јавува во рамките на секоја локална заедница, врз различни основи, преку различни облици и во области коишто се во надлежност и на централните и на локалните власти.
Со цел поднесување на претставки за заштита од дискриминација поткрепени со соодветни факти и докази и со јасно утврдени елементи на дискриминација, неопходно е пристап до правна помош за жртвите. Со оглед дека е висок процентот на граѓаните кои се во лоша материјална положба, а се истовремено жртви на некаков облик на дискриминација по различни основи, неопходно е вклучување на повеќе актери и институции со цел пријавување и санкционирање на чиновите на дискриминација.
Во соработка со општините Куманово, Штип и Струмица, ги изработивме овие протоколи за унапредување на локалните механизми за заштита од дискриминација.
Целта на овој протокол е да го унапреди поднесувањето на претставки од страна на жртвите на дискриминација на локално ниво, да ја опише улогата на координаторите за еднакви можности и соработката со подрачните одделенија на Министерството за правда во општина Струмица во процесот на давање на бесплатна правна помош на жртвите и посредувањето со Народниот правобранител и Комисијата за заштита од дискриминација, вклучително и надлежностите и интерната постапка на овие институции одговорни за заштита од дискриминација.
Протоколот за унапредување на соработката на локалните механизми за заштита од дискриминација во општина Куманово е достапен на македонски јазик [тука] и на албански јазик [тука], за општина Штип [тука] и за општина Струмицца [тука].
Публикации
Кампањи
Сервиси
Работа со Х.Е.Р.А.
Во рамки на Европската недела на ХИВ, која се одржа од 23 до 30 ноември 2018 година под мотото „Тестирај. Лекувај. Превенирај“, ХЕРА ја подготви и брошурата „Прашања и одговори за ХИВ“ која ги дава одговорите на најчестите прашања поврзани со ХИВ.
Повеќе »
Изминува уште една година без сеопфатно сексуално образование (ССО) во училиштата. Па, преку низа предновогодишни честитки испратени од Амстердам, Скопје, Естонија, Тирана и Данска, младите му порачаа на Министерството за образование и наука што сакаат да им донесе во новата 2019-та!
Повеќе »
ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување
Повеќе »
ХЕРА – Асоцијација за здравствена едукација и истражување отвора повик за прибирање понуди за изработка и дизајн на тријазична веб-страница којашто ќе биде официјалната веб-страница на самата организација, како и за обезбедување домен и хостинг на веб-страницата во период од три години по нејзиното започнување со работа.
Повеќе »Партнери
