26.12.2018

Брошура за правата на ЛГБТИ луѓето

За македонските граѓани хомосексуалците се една од најмалку прифатливите групи сограѓани. ЛГБТИ луѓето се соочуваат со дискриминација на работното место, при користењето на правата од социјалната заштита и при пријавување случаи во полициска станица. Од 2015 година до денес, членките на Националната мрежа за борба против хомофобијата и трансфобијата имаат документирано 144 случаи на повреда на правата на ЛГБТ луѓето поради нивната сексуална ориентација и родов идентитет, меѓу кои има и голем број случаи на насилство, говор на омраза, дискриминација во образованието, па дури и при влез во кафуле.

Сакајќи да ја подигне свеста за правата на ЛГБТИ луѓето кај пошироката јавност, но и кај самата ЛГБТИ заедница за механизмите на пријавување дискриминација и насилство, Локалното координативно тело за заштита од дискриминација во Општина Струмица, со наша поддршка, ја изготви брошурата „Да се информираме наместо да дискриминираме“ во рамки на проектот „Собранието и локалните самоуправи во унапредувањето на правата на ЛГБТ“, кој е финансиран од Амбасадата на Кралството Холандија во Република Македонија.

Ова тело е формирано од претставници на различни институции и граѓански организации со цел да разменуваат информации, да преземаат заеднички активности и да помагаат при поуспешно спроведување на Законот за еднакви можности на мажите и жените и на Законот за заштита и превенција од дискриминација на локално ниво.

Брошурата можете да ја преземете тука, а доколку се соочуваате со дискриминација по кој било основ, вклучително и по основ на сексуалната ориентација и родовиот идентитет, обратете се кај Нела Масалковска, координаторка за еднакви можности на мажите и жените во Општина Струмица и Софче Иванова, координаторка на Локалното тело за заштита од дискриминација на Општина Струмица на е-адресата lktzd_strumica@gmail.com и на телефонските броеви 076 499 870 и 076 483 162. 

Публикации

Кампањи

Сервиси

Работа со Х.Е.Р.А.

ИСТРАЖУВАЊЕ: Освен Владата и родителите кажаа ДА за воведување сексуално образование во училиштата

Во јули 2019 година, ХЕРА – Асоцијација за здравствена едукација и истражување спроведе телефонско истражување за ставовите и мислењата на родителите за воведување наставни содржини за сексуално образование. Анкетата беше спроведена на примерок од 800 родители/старатели.

Повеќе »

„Задоволство и врски“ – SexEd 2.0

На второто издание на SexEd зборувавме за магијата на задоволството, разноликоста и филозофијата на врските – со себе и другите. Јавно отворивме многу скокотливи теми и скршивме цел куп табуа во само една вечер. SexEd 2.0 е едукативно и инспиративно патување за сите сетила, а сега во него можете да уживате и вие преку раскажувачките моќи на нашите говорници.

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Отворени 2 работни позиции во ХЕРА

ХЕРА – Асоцијација за здравствена едукација и истражување за потребите на проектот „Отвораме можности“, поддржан од Европската Комисија во рамки на ИПА Програмата за граѓанско општество и медиуми 2016-2017, објавува конкурс за работен ангажман на 2 работни позиции за периодот декември 2019 – јули 2020: Координатор/–ка на проект 1.1 Опис на работната позиција, задачи и услови: Координаторката/-от ќе ги координира […]

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.