27.02.2018

Повик за учество на работилница за новинар(к)и и студент(к)и по новинарство

Во рамки на проектот за менување на негативните наративи за Ромите во здравствените институции, кој е финансиски поддржан од Фондација Отворено општество – Македонија, ХЕРА објавува повик за учество во работилница за новинар(к)и и студент(к)и по новинарство на тема „Предизвиците на истражувачкото новинарство во дигиталната ера“.

Еднодневната работилница е наменета за новинар(к)и и студент(к)и на завршни студии по новинарство и има за цел:

  • Подобрување на знаењата и вештините за изработка на инклузивни и недискриминаторски стории во медиумите;
  • Основи на истражувачко новинарство и користење на социјалните медиуми во креирање на успешна медиумска сторија;
  • Сензибилизирање на новинари и стекнување напредни знаења за социо-културните карактеристики на Ромите и менување на негативните наративи за Ромите помеѓу општата популација и здравствените работници.

Предавачи на работилницата ќе бидат Боби Христов, уредник и новинар, Бојан Кордалов, специјалист за односи со јавност и нови медиуми и Љатифе Шиковска, активистка од НВО „Амбрела“.

Покрај проширувањето на знаењата од областите кои ќе бидат опфатени со работилницата, студент(к)ите по новинарство ќе имаат можност и да учествуваат во процесот на подготовка на истражувачки видео-прилог или статија, како последователна активност од работилницата.

Работилницата за новинар(к)и и студент(к)и по новинарство ќе се одржи на 9 март 2018 (петок) во хотел „Порта“, (населба Аеродром, Скопје).

Учесниците и учесничките на работилницата потребно е да се:

  • новинар(к)и во медиум (радио, телевизија, весник/списание или веб-портал) или
  • студент(к)и на завршни студии по новинарство

Заинтересираните потребно е да испратат:

  • Кратка биографија и
  • Мотивациско писмо во кое ќе објаснат зошто сакаат да учествуваат во работилницата (најмногу 500 зборови)

Документите најдоцна до 5 март 2018 (понеделник) испратете ги по електронска пошта на: aleksandar.samardziev@hera.org.mk со назнака/предмет на пораката „Повик за работилница за новинари и студенти по новинарство“. Ве молиме наведете и телефон и е-пошта за контакт.

Бројот на учесници е ограничен, а избраните учесници и учеснички ќе бидат известени на 6 март 2018.

Организаторот ги покрива сите трошоци за работилницата освен патните трошоци за учесниците и учесничките кои доаѓаат од Скопје. Патните трошоци за учесниците и учесничките кои доаѓаат надвор од Скопје ќе бидат покриени во висина на повратен автобуски билет.

За дополнителни информации контактирајте го Александар Самарџиев на 02/ 3290 395.

Публикации

Кампањи

Сервиси

Работа со Х.Е.Р.А.

Карта со оцена од заедницата #6

Картата со оцена од заедницата претставува истражување за состојбите на здравствената заштита и правата на Ромките од Шуто Оризари поврзани со услугите за планирање на родителство, услугите во текот на бременоста и по породувањето.

Повеќе »

Отворен ден ХЕРАМлади

ХЕРАМлади организираат отворен ден за сите оние кои сакаат да им се придружат! Ако си активист, ако си млад од 17-21 година, ако сакаш да дознаеш повеќе за сексуално и репродуктивно здравје, ако сакаш и твоите врсници да знаат повеќе, придружи ни се на отворениот ден и дознај повеќе! Сакаш да го искористиш твоето време за нешто различно од досегашното […]

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Конкурс за вработување проектен/-на координатор/-ка

ХЕРА – Асоцијација за здравствена едукација и истражување објавува конкурс за вработување проектен/-на координатор/-ка определено време на проектот „Промена на негативниот наратив кон Ромите во здравствените установи“, поддржан од Фондацијата „Отворено општество“ – Македонија за периодот септември – декември 2018 година, со можност за продолжување.

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.