Позадина и цел на ангажманот
Ангажманот има за цел да ги анализира системските можности и предизвици произлезени од системот на јавно финансирање на граѓанските организации во Северна Македонија во периодот 2017–2026 година, да ги оцени резултатите од доделените средства, да ги утврди слабостите и да развие практични препораки за подобрување на политиките.
Деталниот методолошки пристап и техничките елементи ќе бидат дополнително разработени и одобрени од страна на ХЕРА во текот на реализацијата на ангажманот.
Опис на задачите и опфат на анализата
Правна рамка и мапирање на засегнатите страни
- Да ги разгледа релевантното законодавство, политиките, правилата за финансирање и институционалните одлуки во периодот 2017–2026 година, формирањето на Советот за соработка со граѓанското општество и промените во управувањето со финансирањето.
Анализа на циклусот на јавно финансирање
- Да го испита развојот на програмите, вклучително и начинот на утврдување на приоритетите и учеството на граѓанските организации и Советот во овој процес.
- Да ги разгледа објавувањето на јавните повици, условите за учество и критериумите за избор, достапноста на информациите и транспарентноста на постапките.
Системски слабости и препораки за политиките
- Да ги утврди системските слабости кои влијаат врз транспарентноста, рамноправниот пристап, учеството, изборот, следењето, отчетноста и одржливоста на граѓанските организации и нивните услуги.
- Да развие применливи препораки за подобрување на системот на јавно финансирање, со наведување на одговорните институции и чекорите за спроведување.
Очекувани продукти и рокови
- Нацрт извештај до 20 ноември 2026 година, кој ги опфаќа правната и политичката рамка, мапирањето на засегнатите страни, циклусот на финансирање, системските слабости, заклучоците и препораките.
- Финален извештај со вградени коментари од ХЕРА, извршно резиме, референци и релевантни прилози, до 10 декември 2026 година.
Јазикот и обемот на продуктите ќе се договорат со ХЕРА на почетокот на ангажманот.
Потребни квалификации и искуство
- Диплома од втор или трет циклус на студии од областа на економијата, јавните финансии, правото, јавните политики, општествените науки или сродна област.
- Најмалку пет години искуство во спроведување анализи, развој на граѓанското општество, управување или истражување на политики.
- Одлично познавање на механизмите за јавно финансирање во Северна Македонија, граѓанскиот сектор и релевантната институционална и правна рамка.
- Одлични аналитички вештини и вештини за пишување извештаи на македонски и англиски јазик.
Времетраење на ангажман: октомври – декември 2026 година
Потребна документација за пријавување
Заинтересираните понудувачи треба да достават техничка понуда (краток опис и пристап), финансиска понуда и биографија.
Евалуација на понудите
Понудите ќе се оценуваат според следната распределба на поени:
| Критериум | Поени |
|---|---|
| Техничка понуда (краток опис и пристап) | 25 |
| Биографија | 15 |
| Финансиска понуда | 60 |
| ВКУПНО | 100 |
Пријавување
Пријавите треба да се испратат на konkurs@hera.org.mk, со назнака „Пријава – Експерт/ка за јавно финансирање на граѓански организации“, најдоцна до 19 октомври 2026 година, 16:00 часот.
