ХЕРА го одржа своето редовно Годишно собрание, со учество на голем број членови и поддржувачи. Собранието беше можност за осврт кон клучните постигнувања во изминатата 2024 година и за дефинирање на нови насоки за развој на организацијата.
Собранието го отвори претседателката Румена Ѓердовска Којчески, која го презентираше Програмскиот извештај за 2024 година, осврнувајќи се на најзначајните активности и постигнувања на организацијата во текот на годината. Во своето излагање, таа ја истакна улогата на ХЕРА во унапредувањето на здравствените и социјалните права преку едукација, застапување и директни услуги.
Во 2024 г опслужување вклучни 5.253 граѓани во нашите капацитети за услуги.
Во нашиот центар на Водно ,,Сакам да знаам” преку програмата за сексуална и репродуктивна грижа за една година направени се околу 1.000 анонимни и безбедни тестирања за ХИВ. Раната детекција на ХИВ вирусот е клучна во обезбедување подолг и поквалитетен живот на носителите.
Изминатата година 42 наставници успешно ја завршија обуката за ССО, додека 370 млади, наставници и родители ги проследија перформансите на Здружението ,,Рубикон”.
Во продолжение на собранието, беа избрани нови млади членови, а процесот го водеше Ана Попризова – членка на Управниот одбор, со што се зголеми вклученоста и се отвори простор за нова енергија и идеи во организацијата. Дополнително од страна на Милена Качаниклиевска – членка на Управниот одбор беа прзентирани и клучните активности и постигнувања од програмата младинско учество во 2024 година, што ја потврди посветеноста на ХЕРА кон активно учество на младите во донесувањето одлуки., нагласувајќи ги креативните иницијативи и придонесот на младите во организацијата. Во текот на 2024 година 360 млади од 6 града го проследија културниот перформанс ,,Простор за разговор” како дел од програмата младинско учество. На овој начин ја јакнеме свесноста на младите за родовиот аспект и недискриминација.
Особено значајна точка беше усвојувањето на измените на Статутот, со кои се воведе нов орган – Почесен одбор на ХЕРА, како форма на признание и вклучување на поранешни членови, основачи и поддржувачи со исклучителен придонес за мисијата и визијата на организацијата.
Собранието заврши со отворена сесија на која се дискутираа дополнителни прашања од интерес на членството.
ХЕРА им се заблагодарува на сите членови за нивниот придонес, доверба и континуирана поддршка. Заедно продолжуваме да создаваме општество во кое секој има еднаков пристап до здравствени и социјални права.
Со почит,
Тимот на ХЕРА
