Во рамки на својата програма за неформално сеопфатно сексуално образование (ССО), ХЕРА објавува повик за учество на обука од областа на ССО.
Како и досега, обуката опфаќа:
- Дводневна работилница за запознавање со седумте компоненти на ССО: род, сексуално и репродуктивно здравје, граѓански аспекти, задоволство, насилство, врски и односи и различност.
- Обуката ви дава можност, по нејзиното поминување, да станете дел од тимот на волонтери ХЕРАМлади.
Обуката ќе се одржи на 28 и 29 октомври 2017 година во Скопје од 9 до 16 часот. Учесниците кои ќе ја поминат, ќе добијат сертификат. Обуката е бесплатна: сите трошоци, освен за пат и сместување, ќе бидат покриени од страна на ХЕРА.
Обуката е отворена за сите млади кои:
- се на возраст од 14 до 18 години
- сакаат да добијат информации од полето на сексуалното и репродуктивното здравје и права
- се мотивирани да бидат волонтери во ХЕРА
- сакаат да работат во тим и знаат да исполнуваат задачи навреме
Заинтересираните, најдоцна до 25 октомври 2017 година (среда) треба да испратат пополнета пријава за присуство на врсничката едукација. Ве молиме наведете телефон за контакт и e-mail адреса. Бројот на учесници е ограничен.
Документите со назнака на пораката повик за обука од областа на ССО можете да ги доставите по електронска пошта: seksualnoobrazovanie@hera.org.mk
