01.12.2015

На Светскиот ден на СИДА – Ефективните превентивни мерки и услуги за ХИВ од 2016 неизвесни

Prvi-Dekemvri-webМакедонија сѐ уште е земја со ниска стапка на ХИВ – инфекција, благодарение на националната превентивна програма, поддршката од Глобалниот фонд и партнерството помеѓу Министерството за здравство и другите јавни установи и граѓанскиот сектор кое се остварува во минативе 12 години.

ХЕРА и Платформата на граѓански организации кои работат на ХИВ направија „Проценка на капацитетите на граѓанските организации коишто спроведуваат програми за ХИВ поддржани од Глобалниот фонд за борба против ХИВ, туберкулоза и маларија“. Во наодите се наведува дека минатата година :

– граѓанските организации опслужуваат 15 илјади припадници на групите граѓани кои се најизложени на ризик од ХИВ-инфекција.

– обезбедени се повеќе од 200 илјади услуги за превенција, грижа и поддршка.

– 15 граѓански организации спроведуваат активности за превенција, грижа и поддршка во врска со ХИВ во рамките на националната програма за ХИВ на Министерството за здравство. Вкупно 160 лица се ангажирани во обезбедувањето на превентивните услуги за ранливите групи граѓани.

По завршувањето на меѓународната поддршка во 2016 година оваа развиена инфраструктура, со обучени човечки ресурси за раководење и нудење на директни услуги за превенција, ќе биде поставена под прашање. За ова говори фактот што дури 8 од граѓанските организации се целосно финансиски зависни од средствата на Глобалниот фонд и постои опасност тие да престанат со работа. Најмногу би изгубиле клиентите кои имаат развиено доверба кон организациите и за кои овие услуги се дел од нивното секојдневие.

Платформата ги поздравува напорите на Министерството за здравство за воведување на Регистар на граѓански организации преку кој  во иднина ќе бидат правно препознаени како корисници на буџетски средства во спроведувањето на активности за превенција на ХИВ на истиот начин како и јавно-здравствените институции. Сепак, Платформата инсистира да се преземат конкретни мерки од Владата и Министерството за здравство за обезбедување на одржливоста на програмите кои досега се финансирани од Глобалниот Фонд, односно нивна интеграција во државните програми и буџети по декември 2016. 

Терапија / Лекови

Обезбедувањето на антиреторвирусни лекови е една првите мерките кои Македонија од Глобалниот Фонд ги интегрираше во својот здравствен буџет во 2011 година.  Сепак,  и покрај тоа што Министерството за здравство неколкукратно ги зголеми средствата за терапија помеѓу 2011 и 2014,  во изминатиот период се појавија различни административни предизвици со дел од антиретровирусните лекови, а најголем дел од нив сѐ уште и не се регистрирани во Рапублика Македонија.

Во изминатите два месеца за една пратка од набавката на антиретровирусни лекови Агенцијата за лекови констатираше дека производите не ги задоволувале стандардите за квалитет. Добивме информации дека Клиниката за инфективни болести бара начин итно да ги обезбеди и дека лековите се очекуваат до крајот на оваа недела. Стравуваме дека може да дојде до истрошување на залихите од тие лекови кои се уште не се обезбедени.

Македонија ја следи стратегијата „тестирај – лекувај“ како единствен пристап кој покажува најдобри ефекти во лекувањето, но и во превенцијата на ХИВ. Имајќи ги предвид долготрајните процедури за јавна набавка, непредвидливоста како резултат на тоа што поголем дел од лековите не се регистрирани во Македонија, како и ограничениот буџет, Платформата бара сите надлежни институции да ги извршуваат своите обврски максимално експедитивно за да не дозволат ситуација на прекин на терапијата.

Исто така, Платформата бара државата да преземе проактивни мерки со кои ќе создаде услови и ќе ги поттикне компаниите да ги регистрираат сите неопходни антиретровирусни лекови, со цел да биде обезбедено целосно решение за антиретровирусната терапија во Македонија.

Публикации

Кампањи

Сервиси

Работа со Х.Е.Р.А.

Весник на жените од Шуто Оризари бр. 1

Препознавајќи ги актуелните состојби и предизвици со коишто секојдневно се соочуваат жените од Шуто Оризари при остварувањето на своите репродуктивни права, а особено Ромките како ранлива група на граѓанки, Иницијативата на жени од Шуто Оризари го издаде првиот број на Весникот на жените од Шуто Оризари за да им ги доближи овие прашања првенствено на надлежните институции и да ги поттикне […]

Повеќе »

Отворен ден ХЕРАМлади

ХЕРАМлади организираат отворен ден за сите оние кои сакаат да им се придружат! Ако си активист, ако си млад од 17-21 година, ако сакаш да дознаеш повеќе за сексуално и репродуктивно здравје, ако сакаш и твоите врсници да знаат повеќе, придружи ни се на отворениот ден и дознај повеќе! Сакаш да го искористиш твоето време за нешто различно од досегашното […]

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Повик за ангажирање консултант за спроведување обуки за мобилизација на ресурси со фокус на искористување на фондовите на Европската унија

ХЕРА – Асоцијација за здравствена едукација и истражување објавува повик за ангажирање консултант за спроведување обуки на тема Мобилизација на ресурси со фокус на искористување на фондовите на Европската унија. Ангажманот е во рамки на проектот „Осигурување на одговорна транзиција од финансиската поддршка од Глобалниот фонд кон одржливо финансирање со средства од националниот буџет на програмите за ХИВ превенција и […]

Повеќе »

Партнери


Civica Mobilitas Opstina Centar European Delegation in Macedonia Groupe SOS CFSD Embassy of the United States Skopje, Macedonia http://macedonia.nlembassy.org/ Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) Center for Institutional Development - CIRa http://psihologija.com.mk/
Copyright 2013 - H.E.R.A. All rights reserved.