Јавен повик за прибирање на понуди за развој на мобилна апликација за информации и услуги поврзани со ХИВ и СРЗ (сексуално и репродуктивно здравје)

1. За организацијата

ХЕРА – Асоцијација за здравствена едукација и истражување е граѓанска организација која повеќе од две децении работи на унапредување на сексуалното и репродуктивното здравје и права, превенција на ХИВ и поддршка на ранливи заедници во Северна Македонија.

Во рамки на тековните програми и проекти, ХЕРА планира да развие мобилна апликација која ќе обезбеди пристап до проверени информации и здравствени услуги поврзани со ХИВ и сексуално и репродуктивно здравје, со посебен фокус на мигранти, мобилни популации, млади лица и други групи кои имаат ограничен пристап до здравствени информации и услуги.

2. Цел на повикот

Целта на овој повик е избор на физичко или правно лице со релевантно искуство во развој на мобилна апликација, кој ќе ја развие планираната апликација во согласност со функционалните и техничките барања наведени во повикот.

Апликацијата треба да овозможи:

• пристап до веродостојни информации за ХИВ и сексуално и репродуктивно здравје;
• пристап до здравствени услуги и програми за превенција;
• интерактивна мапа на достапни услуги;
• можност за нарачка на ХИВ тест за самотестирање;
• можност за онлајн советување и телемедицина.

Деталниот опис на функционалностите на апликацијата е даден во Прилог 1: Техничка спецификација и Скелет на мобилната апликација.

3. Опфат на ангажманот

Избраното правно/ физичко лице ќе биде одговорно за:

• технички дизајн на апликацијата;
• UI/UX дизајн;
• развој на мобилна апликација (Android и iOS);
• развој на административен систем за управување со содржина (CMS);
• тестирање и оптимизација;
• подготовка за објавување на апликацијата на Google Play и Apple App Store;
• кратка обука за користење на CMS системот;

ХЕРА има идентификувано постоечко open-source дигитално решение (мобилна апликација и backend архитектура) кое може да послужи како техничка референтна основа при развојот на предложеното решение. Избраниот понудувач ќе има можност да ја процени применливоста на постојните open-source компоненти, архитектури и функционалности и, доколку е соодветно, да предложи нивна адаптација и интеграција во согласност со условите на лиценцирање.

4. Кој може да аплицира

На повикот можат да аплицираат:

• ИТ компании
• софтверски студија
• тимови или поединци со докажано искуство во развој на мобилни апликации.

Предност ќе имаат апликанти кои имаат искуство во:

• развој на мобилни апликации за здравство;
• развој на платформи за телемедицина;
• работа со повеќејазични дигитални платформи.

5. Документи кои треба да се достават

Заинтересираните понудувачи треба да достават:

• кратко портфолио и опис на претходно искуство;
• технички пристап за развој на апликацијата;
• временска рамка за реализација;
• финансиска понуда;
• контакт информации.

6. Критериуми за избор

При изборот ќе се земат предвид:

• релевантно искуство
• квалитет на предложеното техничко решение
• скуство во адаптација и интеграција на open-source софтверски решенија
• временска рамка за реализација
• најефтина финансиска понуда.

7. Начин и рок за аплицирање

Понудите треба да се достават електронски на следната адреса:

hera@hera.org.mk

со назнака: Понуда за развој на мобилна апликација

Најдоцна до: 10.07.2026

Прилог 1

Скелет на мобилната апликација