Повик за ангажирање на Експерт/ка за развој на методологија за следење на родовите аспекти на изборните процеси

Времетраење на ангажман: септември – декември 2026 година

1. Контекст

Демократските процеси сè повеќе се под влијание на дезинформации, штетни наративи и различни форми на родово засновани напади што можат да влијаат врз изборното учество, демократската дебата и еднаквата политичка застапеност.

Жените кандидатки, активистките, граѓанските организации и други групи може несразмерно да бидат погодени од ваквите појави, особено во периодот на изборните кампањи.

Имајќи ги предвид овие предизвици, ХЕРА има за цел да развие Методологија за следење на родовите аспекти на изборните процеси, која ќе ги надополни постоечките пристапи за изборно набљудување преку зајакнување на анализата на родовите аспекти на изборите, демократското учество и интегритетот на информациите во текот на целиот изборен циклус.

Методологијата треба да обезбеди основа за систематски и заснован на докази мониторинг, да придонесе кон зајакнување на демократската отпорност и да овозможи понатамошна примена и унапредување во Северна Македонија, а по потреба и во поширок регионален контекст.

2. Цел на ангажманот 

Целта на ангажманот е да се развие методологија заснована на докази за следење на родовите аспекти на изборните процеси, со посебен фокус на родовите дезинформации, родово заснованите напади и другите појави што можат да влијаат врз демократското учество, еднаквоста и човековите права во текот на предизборниот период, изборната кампања и изборниот ден. 

Методологијата треба да се темели на меѓународните стандарди за изборно набљудување, интегрирајќи ги перспективите на родовата еднаквост, демократското владеење, човековите права и интегритетот на информациите. 

Деталниот методолошки пристап, рамката за следење, начинот на имплементација и техничките елементи ќе бидат дополнително разработени и одобрени од страна на ХЕРА во текот на реализацијата на ангажманот. 

3. Опсег на работата 

Во координација со ХЕРА, избраниот/ата експерт/ка ќе ги извршува следните задачи: 

• Да направи преглед на релевантните меѓународни стандарди, методологии и добри практики поврзани со изборното набљудување, демократското владеење, родовата еднаквост, интегритетот на информациите и изборното учество. 

• Да го анализира изборниот контекст во Северна Македонија од родова перспектива, имајќи ги предвид случувањата во текот на целиот изборен циклус, вклучувајќи го предизборниот период, изборната кампања, изборниот ден и постизборниот период. 

• Да развие методологија за следење на родовите аспекти на изборните процеси. 

• Да развие практични насоки и придружни алатки кои ќе овозможат доследна примена на методологијата. 

• Да учествува во консултации со релевантни институции, изборни експерти, организации на граѓанското општество и други релевантни чинители со цел валидација на предложениот пристап. 

• Да подготви препораки за имплементација, понатамошна примена и унапредување на методологијата. 

• Да подготви материјали за обука и да обезбеди стручна поддршка за активностите за јакнење на капацитетите поврзани со имплементацијата на методологијата. 

• Да придонесе кон документирање на научените лекции и можностите за понатамошна примена на методологијата во иницијативи за зајакнување на демократската отпорност. 

Деталната рамка за следење, аналитичкиот пристап, индикаторите, алатките за известување, начинот на имплементација и останатите технички спецификации ќе бидат развиени и одобрени од страна на ХЕРА во текот на консултантскиот ангажман, врз основа на почетната анализа, консултациите и утврдените потреби. 

4. Очекувани резултати и продукти 

Избраниот/ата експерт/ка треба да ги изработи следните производи: 

1. Методологија за следење на родовите аспекти на изборните процеси. 
2. Практичен пакет со алатки и насоки за имплементација на методологијата. 
3. Пакет за обука, вклучувајќи материјали за поддршка на имплементацијата на методологијата. 
4. Учество и поддршка при организација на консултативни средби со релевантни чинители. 
5. Финален извештај од ангажманот со клучни наоди, препораки и можности за понатамошна примена на методологијата. 

5. Потребни квалификации и искуство 

Кандидатите треба да ги исполнуваат следните услови: 

• Завршено високо образование од областа на општествени науки, правото, јавните политики, или друга сродна област. 

• Најмалку седум години професионално искуство во областа на изборното набљудување, изборниот интегритет, демократското владеење, човековите права, родовата еднаквост или сродни области. 

• Докажано искуство во развој на методологии, истражувачки рамки или алатки за мониторинг. 

• Добро познавање на демократските процеси, изборните системи, родовата еднаквост, интегритетот на информациите и јавните политики. 

• Искуство во работа со изборни институции, граѓански организации, меѓународни организации или истражувачки институции ќе се смета за предност. 

• Одлични аналитички способности, вештини за фасилитација и подготовка на стручни документи. 

7. Известување 

Избраниот/ата експерт/ка ќе работи под непосреден надзор на ХЕРА и во тесна координација со програмскиот тим. 

8. Начин на пријавување 

Заинтересираните кандидати треба да достават: 

• Биографија (CV) со релевантно професионално искуство; 

• Краток технички предлог (најмногу три страници) со предложениот пристап за реализација на ангажманот; 

• Финансиска понуда; 

• Два примери од претходни релевантни ангажмани или публикации. 

Пријавување  

Комплетната понуда, заинтересираните кандидати треба да ја испратат на e-mail: konkurs@hera.org.mk најдоцна до  22 Август 2026 г. 16:00 часот, со назнака/предмет на пораката Апликација за Експерт/ка за развој на методологија за следење на родовите аспекти на изборните процеси. Некомплетни апликации или апликации испратени по предвидениот рок нема да бидат земени во предвид. 

Ќе бидат контактирани само кандидатите кои ќе влезат во потесниот избор.