MK

Јавен повик за прибирање на понуди за набавка на медицинска опрема

Јавен повик за прибирање на понуди за набавка на медицинска опрема
  • 24 април, 2026

Јавен повик за прибирање на понуди за набавка на медицинска опрема

ХЕРА – Асоцијација за здравствена едукација и истражување објавува јавен повик за прибирање на понуди од правни лица за набавка и испорака на медицинска опрема за амбуланта во рамки на ЈЗУ Клиничка Болница „Д-р Трифун Пановски“ во Битола.

Набавката се спроведува во рамки на проектот „Проширување на пристапот до медикаментозен абортус во Република Северна Македонија“, поддржан од SAAF – Safe Abortion Action Fund (Фонд за акција за безбеден абортус).

1. Предметна набавка 

Предмет на оваа набавка е набавка на медицинска опрема наменета за амбуланта во ЈЗУ КБ „Д-р Трифун Пановски“ во Битола, во рамки на проектните активности на ХЕРА. 

2. Техничка спецификација

2.1. Апарат за вшмукување телесни течности (хирургија, гинекологија) со максимален вакум за рок од неколку секунди (Aspirator – Clinic plus-basic)

  1. Работен напон: 230V – 50/50Hz.
  2. Две автоклавирачки тегли на 121°C – 2x4L.
  3. Двоен безбедносен вентил интегриран во теглата и хидрофобен филтер.
  4. Големина максимум: 460 x 850 x 420 mm.
  5. Тежина максимум: 20 kg.
  6. Континуирана работа.
  7. Моќност: 230VA.
  8. Проток: 60 l/min.
  9. Ниво на бучавост: 51,7 dBA.
  10. Максимална сукција: -0,90 bar (675 mmHg).
  11. Автоклавирачко силиконско црево – fi 8 x 14 mm, должина 150 cm.
  12. Стандарди: IEC 601-1:93/42EEC.

2.2. Гинекологија – Сет за инструментална ревизија на матка (uterus)

Бр. Опис Количина
1 Brown–Stadler epiziotomy scissors, 145 mm 5
2 Wertheim hysterectomy forceps, 250 mm, fig.1 2
3 Abdominalen ekarter Balfour 200 mm, lateral blade 100×70 mm 1
4 Retractor – Goelet, 37×40 mm, 190 mm 1
5 Retractor – Reverdin 280 mm 1
6 Kallmorgen vaginal specula + retractor 70×40 2
7 Kallmorgen vaginal specula + retractor 90×40 2
8 Cusco – vaginal specula 80×32 8
9 Mayo-Heger TC needleholder serrated, straight, 160 mm, 10¼” 5
10 Uterine curette – Sims, sharp 310 mm, fig.0 3
11 Uterine curette – Sims, sharp 310 mm, fig.1 3
12 Uterine curette – Sims, sharp 310 mm, fig.2 3
13 Uterine curette – Sims, sharp 310 mm, fig.3 3

 

3. Општи барања

Понудувачот е должен да:

  • Обезбеди испорака на медицинската опрема согласно техничката спецификација;
  • Обезбеди дека опремата е нова, неупотребувана и без фабрички недостатоци;
  • Обезбеди сите потребни придружни елементи, додатоци и потрошен материјал за целосна функционалност на опремата;
  • Гарантира квалитет и усогласеност со важечките национални и меѓународни стандарди за медицинска опрема (CE ознака или еквивалент);
  • Обезбеди гарантен рок и сервисна поддршка (вклучувајќи резервни делови);
  • Обезбеди, доколку е применливо, инсталација и пуштање во употреба на опремата;
  • Обезбеди упатства за употреба (manual) на македонски или англиски јазик;
  • Почитува договорени рокови за испорака и, доколку е применливо, инсталација;
  • Обезбеди соодветно пакување и транспорт со цел заштита од оштетување при испорака.
4. Критериуми за учество и утврдување способност на понудувачите

Право да достави понуда има секое заинтересирано домашно правно лице – понудувач кое е регистрирано за вршење на дејноста поврзана со предметот на договорот за набавка.

5. Место на испорака на опремата

Испораката на медицинската опрема ќе се спроведе во амбуланта во рамки на ЈЗУ КБ „Д-р Трифун Пановски“ во Битола.

6. Начин на плаќање

Плаќањето ќе се изврши по целосната реализација на обврските што произлегуваат од предметот на договорот за набавка, по доставена фактура.

7. Краен рок за испорака на медицинската опрема

Понудувачот е должен испораката да ја спроведе најдоцна до 22.05.2026 година.

8. Документација што треба да се достави:

Понудувачите треба да достават:

  • Целосна финансиска понуда, согласно наведената техничка спецификација во повикот
  • ДРД образец
  • Тековна состојба
9. Критериум за ибор

Договорот ќе биде доделен на понудувачот кој ќе понуди најниска цена, под услов понудата целосно да ги исполнува техничките барања.

10. Рок за доставување на понуди

Краен рок за доставување на понуди: 04.05.2026

Понудите доставени по истекот на рокот нема да бидат разгледувани.

Понудите треба да се достават на: konkurs@hera.org.mk, со следнава назнака: Понуда за набавка на медицинска опрема

11. Дополнителни информации

ХЕРА го задржува правото:

  • да побара дополнителни појаснувања од понудувачите;
  • да не избере ниту една понуда доколку истите не ги исполнуваат условите од повикот;
  • да ја поништи постапката без обврска за избор на понудувач.