Имате идеја што може да ја направи вашата заедница поправедна, поеднаква и посилна?
ХЕРА и МАРГИНИ објавуваат повик за доделување на мали грантови за организации и иницијативи кои работат за развој и нудење на социјални услуги на локално ниво.
Асоцијација за здравствена едукација и истражување – ХЕРА и Коалиција „Сексуални и здравствени права на маргинализираните заедници – МАРГИНИ“ објавуваат Јавен повик за мали грантови за развој и нудење на социјални услуги на локално ниво.
Грантовите се дел од проектот „Градење на заедница на бранители за човекови права за промоција на родова еднаквост“, финансиран од Делегацијата на Европската Унија во Скопје.
Во ваков случај имате можност да се пријавите на Jавниот повик за доделување на мали грантови за развој и нудење на услуги на локално ниво во три локални самоуправи.
Повикот, потребните документи за аплицирање и буџетот, како и подетално упатство за аплицирање се достапни во електронска форма на веб-страницата на ХЕРА и може да се преземат од www.hera.org.mk.
Водич за аплицирање – одобрен од ЕУ
Образец за аплицирање – одобрен од ЕУ
Формулар за аплицирање – одобрен од ЕУ
Изјаван од апликат – одобрен од ЕУ_1
Намерата на активноста за доделување грантови е поддршка на граѓанските организации во развој и нудење на инклузивни, родово сензитивни и недискриминаторски социјални услуги во заедницата за жени, деца, девојки и маргинализирани заедници. Активноста се стреми да обезбеди ефикасен систем на социјална заштита на локално ниво за жени, девојчиња, деца и маргинализирани заедници како и да поттикне градење на партнерства меѓу граѓанските организации, локалните власти, надлежните институции од социјална и здравствена заштита, агенциите за заштита на човековите права од дискриминација и други чинители за подобрување на пристапот до социјални услуги за ранливите групи и за создавање на инклузивни локални заедници.
Преку оваа активност, се очекува :
- Подобрена локална социјална заштита преку обезбедување на достапни и недискриминаторски социјални услуги за жени, девојчиња, деца и маргинализирани заедници;
- Воспоставени или унапредени локални социјални услуги за поддршка на жртви на насилство, особено во средини каде што постојат дискриминација, стереотипи и ограничен пристап до услуги;
- Зајакнати капацитети на локални граѓански организации за развој и спроведување на психосоцијални, здравствени и правни услуги за ранливите заедници;
- Создадени партнерства со надлежните локални институции како центри за социјална работа, општини, здравствени и образовни установи;
- Зголемена свест на локално ниво преку кампањи, јавни настани и едукативни активности за да подигне јавната свест за важноста на пристапот до социјални услуги;
- Промовирани успешни модели и добри практики на социјални услуги кои ќе можат да се применат и во други заедници.
Право на учество имаат граѓански организации кои имаат искуство во работа со маргинализирани заедници и делуваат во областа на човекови права, родова еднаквост или/и социјална заштита.
Граѓанските организации кои ќе аплицираат на овој повик треба да ги исполнуваат следниве критериуми :
- домашна граѓанска организација формирани согласно Законот за здруженија и фондации;
- регистриран согласно горенаведениот Закон најмалку две години пред објавата на овој повик и со активен статус;
- апликантите мора да се лоцирани надвор од Скопје;
- предложените проекти демонстрираат јасна визија, соодветно на потребите на граѓаните на кои се однесуваат активностите;
- предложените проекти имаат дефинирано јасна улога на партнерите во спроведување на активностите;
- поднесената апликација е целосно комплетна и ги вклучува сите потребни документи;
- апликацијата е поднесена во дадениот рок;
- бараната финансиска поддршка не ја надминува понудената сума во повикот.
Граѓанските организации ќе имаат можност да обезбедат краткорочно одржување на своите програми и активности преку кои придонесуваат за целните групи и јавниот интерес и за остварување на сопствените мисии и визии.
Оценувањето на пристигнатите апликации ќе се врши низ следниве критериуми :
- Директна поддршка на апликации кои демонстрираат јасна посветеност за зајакнување на системот на социјална заштита на локално ниво преку воспоставување и нудење социјални услуги;
- Воспоставување иновативен модел на соработка меѓу граѓанските организации, надлежните центри за социјална работа и други јавни институции;
- Искуство во работа со маргинализирани заедници, вклучително и ЛГБТИ лица, лица со попреченост, Роми и други етнички малцинства;
- Применува интерсекциски пристап во развојот и реализацијата на социјалните услуги, водејќи сметка за родот, етничката припадност, сексуалната ориентација, попреченоста и други фактори на ранливост;
- Обезбедува креативна и ефикасна стратегија за вклучување на жени, девојчиња, деца и маргинализирани заедници, вклучително и ЛГБТИ лица, лица со попреченост, Роми и други етнички малцинства, во процесите на дизајн и користење на социјални услуги;
- Обезбедува стратешка видливост на активностите преку користење на традиционални и нови медиуми (социјални мрежи, локални медиуми, јавни настани);
- Гради партнерства помеѓу различни чинители, вклучувајќи го граѓанското општество, институциите и медиумите на локално ниво.
Апликациите ќе добијат додадена вредност до 20 поени за веќе воспоставена соработка со Центар за социјална работа и/или локален медиум (до 10 поени), како и за вклучување на партнери (граѓански организации, јавни институции или медиуми) во имплементацијата на проектот (до 10 поени).
За селектираните апликации ќе се обезбедат финансиски средства во вид на мали грантови во висина од 307.500,000 МКД. Вкупната буџетирана сума на располагање за мали грантови изнесува 15.000 евра (922.500,000 МКД), со намера да бидат распределени на 3 гранта преку овој повик. Средствата се обезбедени од проектот „Градење на заедница на бранители на човекови права за родова еднаквост”, финансиран од страна на Делегацијата на Европска Унија во Скопје.
Рок на пријавување: Најдоцна до 26.09.2025 година до 16 часот
Период на спроведување: Периодот за имплементацијата на мали грантови доделени во рамки на овој повик е 6 месеци (октомври 2025 до март 2026). Периодот на имплементација ќе биде прецизно дефиниран во договорот за грант со секој од одобрените проекти.
Контакт: Дополнителни прашања поврзани со повикот можат да се постават на е-маил: iva.mihajlovska@hera.org.mk со назнака: „Прашање за Повик за доделување мали грантови за граѓански организации“ најдоцна до 10.09.2025 година до 16 часот. Одговорите ќе бидат обезбедени ро рок од два работни дена од добивањето на прашањето на е-маил.
