ХЕРА, во рамките на својата програма за неформално сеопфатно сексуално образование (ССО), објавува повик за учество на летна школа за сеопфатно сексуално образование.
Летната школа ќе вклучува дводневна работилница за запознавање со седумте компоненти на ССО: род, сексуално и репродуктивно здравје, граѓански аспекти, задоволство, насилство, врски и односи и различност.
По завршувањето на работилниците, учесниците ќе добијат сертификат и ќе имаат можност да станат дел од тимот на волонтери ХЕРА Млади.
Летната школа ќе се одржи од 30 јули до 1 август во извидничкиот центар во Охрид. Учеството е бесплатно, а трошоците за превоз и сместување ќе бидат покриени од страна на ХЕРА.
Ги покануваме да се пријават сите млади кои:
- се на возраст од 18 до 23 години,
- сакаат да добијат информации околу сексуалното и репродуктивното здравје и права,
- се мотивирани да бидат волонтери во ХЕРА,
- сакаат да работат во тим и знаат да исполнуваат задачи навреме.
Заинтересираните треба да испратат писмо во кое ќе напишат зошто сакаат да бидат дел од летната школа (најмногу 500 зборови) и ќе наведат телефонски број и е-пошта за контакт.
Бројот на учесници е ограничен.
Документите со назнака/предмет на пораката повик за летна ССО школа треба да се достават електронски, на seksualnoobrazovanie@hera.org.mk најдоцна до 28 јули 2021 година.
