12.04.2018

Првиот семеен центар на Град Скопје бара психотерапевт(к)и

ХЕРА – Асоцијација за здравствена едукација и истражување објавува конкурс за ангажирање  психотерапевт(к)и како даватели на услуги во Првиот семеен центар на Град Скопје за привремен ангажман, односно советување на деца-жртви на семејно насилство и интервенции фокусирани на траума или деца.

 Ве охрабруваме да се пријавите доколку сте:

  • дипломиран психолог или специјалист по психијатрија
  • имате поминато најмалку 500 часа едукација по психотерапија
  • имате изградено способности за тимска работа
  • имате изградени комуникациски способности
  • сте максимално посветени кон работата
  • сте државјанин/ка на Република Македонија

Предност ќе имаат кандидат(к)ите кои:

  • имаат сертификат за успешно завршена обука за работа со една од следните категории:  жртви на семејно насилство и интервенции фокусирани на траума или деца (терапија преку игра)
  • стекнале искуство во работа со жени и деца-жртви на семејно насилство
  • имаат искуство во граѓанскиот сектор

Најдоцна до 17.00 часот на 22 април 2018 (недела), заинтересираните кандидат(к)и треба да достават:

  • електронска (скенирана) копија од диплома за завршено образование
  • сертификат за терапевт или сертификат/потврда за поминати најмалку 500 часа едукација по психотерапија
  • кратка биографија
  • писмо за мотивација
  • една препорака од претходните ангажмани како психотерапевт или од институцијата каде е завршена соодветната обука

ХЕРА гарантира дека при изборот сите кандидат(к)и ќе имаат еднакви услови без оглед на етничката припадност, родовата идентификација, сексуалната ориентација, возраста, брачниот и родителскиот статус, расата, попреченоста или која било друга основа.

Сите кандидати кои ќе ги достават бараните документи и кои ќе влезат во потесниот избор, ќе поминат обука по што ќе биде направен конечниот избор за ова работно место. Ве молиме да наведете телефон и е-пошта за контакт. Кандидат(к)ите ќе бидат известени за резултатите по електронски пат 7 дена по затворање на конкурсот.

Документите со назнака/предмет на пораката Конкурс за психотерапевт(к)и во Првиот семеен центар на Град Скопје можете да ги доставите на следниов начин:

  • Електронски: konkurs@hera.org.mk
  • По факс на: 02 55 6 002
  • По пошта: ХЕРА, ул. „Франклин Рузвелт“ бр. 51а/26, 1000 Скопје

Публикации

Кампањи

Сервиси

Работа со Х.Е.Р.А.

Анализа и предлог-модалитети: здравствената заштита за репродуктивното здравје во Македонија

Жените во Македонија, особено оние од социјално ранливите групи, се соочуваат со различен вид на бариери во обидот да се снабдат со услуги за репродуктивното здравје. Лошото репродуктивно здравје е причина за една третина од глобалното оптоварување со болест кај жените во репродуктивна возраст и една петтина од сите причини за глобалното оптоварување од болести кај општата популација.

Повеќе »

Чук, чук, извинете што пречам на часот, ССО кога ќе имаме?

Изминува уште една година без сеопфатно сексуално образование (ССО) во училиштата. Па, преку низа предновогодишни честитки испратени од Амстердам, Скопје, Естонија, Тирана и Данска, младите му порачаа на Министерството за образование и наука што сакаат да им донесе во новата 2019-та!

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Конкурс за ангажирање локален консултант за активности на НКМ за одржливост

Целта на ангажманот е спроведување oбуки и работилници за да се обучат невладините организации кои спроведуваат превентивни сервиси за ХИВ во пишувањето проектни апликации за дополнителни финансии од дополнителни донатори за одржливост на активностите.

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.