Me pilotimin e abortit medikamentoz në Klinikën universitare për gjinekologji dhe obstetrikë në Shkup, ky shërbim shëndetësor bëhet i kapshëm për gratë si metodë alternative e ndërprerjes së shtatzënisë, krahas abortit tashmë ekzistues kirurgjik.
Aborti medikamentoz (i njohur edhe si aborti me ilaçe) është një procedurë e thjeshtë dhe e sigurt që po zëvendëson gjithnjë e më shumë alternativën kirurgjikale: aborti me ilaçe përdoret deri në 80% të rasteve në vendet e Bashkimit Evropian. Ndërsa në kushte të pandemisë, aborti me ilaçe konsiderohet një opsion më i sigurt për ndërprerjen e shtatzënisë, sepse minimizon nevojën për të vizituar institucionet shëndetësore, gjë që e redukton rrezikun e ekspozimit ndaj Covid-19.
Ne besojmë se çdo grua duhet të vendosë vetë për shëndetin e saj riprodhues. Ne gjithashtu besojmë se informacioni është shëndet. Mu për këtë, përgatitëm një broshurë dhe fletushkë në të cilën do t’i gjeni përgjigjet e pyetjeve më të zakonshme në lidhje me abortin medikamentoz, duke përfshirë mënyrën se si kryhet aborti medikamentoz, çfarë duhet të presë një grua nga procedura në javët e ardhshme dhe kur është e nevojshme të paraqitet për ndihmë ose mbështetje nga ekipi mjekësor.
Broshura “Çfarë duhet të dish nëse vendos për abortin medikamentoz?” gjendet në gjuhën shqipe dhe maqedonase. Fletushka është e disponueshme në gjuhën shqipe dhe maqedonase.
Ndërsa për të drejtën për abort medikamentoz gjatë pandemisë mund të lexoni në broshurën “Covid-19 dhe e drejta për abortin medikamentoz”, gjithashtu gjenden në gjuhën shqipe dhe maqedonase.
