Унапредување на правата на ЛГБТИ луѓето е целта за која ќе дискутираат стотици ЛГБТИ активисти, родители на ЛГБТИ млади, претставници на влади, пратеници и пратенички, експерти од Западен Балкан и Турција. Конференцијата ќе се одржи од 3 до 6 октомври во хотелот „Александар Палас“.
Образованието и правата на трансродовите лица ќе бидат во фокусот на дијалогот меѓу граѓанското општество и властите од регионот и Турција. Властите и активистите ќе изнаоѓаат решенија за инклузивно образование и безбедни училишта за ЛГБТИ младите, како и законски решенија за правно признавање на родот, односно можноста трансродово лице да ја промени ознаката за пол во матичната евиденција и на тој начин државата да го признае неговиот вистински род.
Конференцијата е организирана во соработка со Министерството за труд и социјална политика и Министерството за надворешни работи на Република Македонија. Во рамки на првиот ден е закажан министерски состанок на кој ќе присуствуваат делегации од владите на Косово, Црна Гора и Македонија.
Интерпартиската парламентарна група за ЛГБТИ права од Македонија е домаќин на пленарна сесија за улогата на парламентите во унапредување на правата на оваа заедница. На пленарната сесија ќе учествуваат Џули Вард, пратничка од Европскиот парламент, Наташа Шукич, пратеничка од Словенија, Гордана Комич, пратеничка од Србија и Маја Морачанин, пратеничка од Република Македонија и координаторка на интерпартиската група.
Во рамки на конференцијата ќе се одржи и затворен состанок меѓу родители и членови на семејства на ЛГБТИ млади од Македонија и Турција. Целосната програма е достапна на следниот линк.
Конференцијата е организирана од ЕРА. ЕРА е асоцијација која вклучува 58 ЛГБТИ организации од 9 земји во регионот на Западен Балкан и Турција. Годишната конференција на ЕРА во Македонија ја организираат Коалиција „Маргини“, ЛГБТИ Центарот за поддршка, ХЕРА – Асоцијација за здравствена едукација и истражување, Хелсиншкиот комитет за човекови права и Субверзивен фронт.
Лица за контакт:
Ирена Цветковиќ – irena.cvetkovik@gmail.com, 070591311
Билјана Гинова – biljana.ginova@mhc.org.mk, 071730881
This document has been produced with the financial assistance of the European Union. The content
of this report is the sole responsibility of ERA and its partners and can under no circumstances be regarded as reflecting the position of the European Union.