10.02.2017

Реакција на Иницијатива на жени од Шуто Оризари по повод одлуката за распишување на тендер за изградба на базен во општината

Над 600.000 евра предвидени за изградба на базен, а само 4000 евра годишно за гинеколог во Шуто Оризари

 

Иницијативата на жени од Шуто Оризари остро реагира на огласот за доделување јавна набавка за изградба на отворен пливачки базен во Општина Шуто Оризари, објавен од Агенцијата за млади и спорт, со вредност од над 600.000,00 евра.

Веќе подолг период оваа Иницијатива алармира дека во општина Шуто Оризари нема ниту еден матичен гинеколог, а 8000 жени се во репродуктивен период. Според податоците од секојдневните теренски активности на Иницијативата, во општина Шуто Оризари поради ограничен пристап до примарна здравствена заштита, неретко жени се породуваат во домашни услови, без никаква лекарска грижа, со што нивното, и здравјето на новороденчињата, е сериозно ставено под закана. Согласно официјалните статистики, доенечката смртност кај Ромите е 1,5 пати повисока во однос на останатите граѓани, а со оваа одлука извесно е дека стапката нема да се намали.  Со ова неоправдано инвестирање, репродуктивното здравје на Ромките и овојпат се занемарува, а социо-економската состојба на граѓаните од општината дополнително се влошува. Ромите во Р.Македонија живеат во исклучителна сиромаштија и висока стапка на невработеност, ромските деца се неисхранети, имаат лоши услови за живот и ограничен пристап до основни здравствени услуги. Многу малку се вложува во нивна едукација, нудење на услуги за сексуално и репродуктивно здравје и воопшто за подобрување на квалитетот на живот.

За пристапот до здравствена заштита, дури и Меѓународниот комитет за економски, социјални и културни права препорача државата да ги засили напорите за да обезбеди пристап и достапност до гинеколошки услуги за сите жени без оглед на местото на живеење, овозможувајќи доволно лекари и проширувајќи ги услугите кои ги покрива Фондот за здравствено осигурување на РМ. Со цел подобрување на сексуалното и репродуктивното здравје на Ромките, Комитетот препорача да се преземат сите мерки за зголемување на бројот на гинеколози во земјата со цел да се обезбеди пристап на секоја жена до гинеколошки услуги, особено во Шуто Оризари.

Во програмата за активна здравствена заштита на мајки и деца за 2017 година донесена од Владата на РМ, предвидени се 240.000,00 денари за гинеколог кој еднаш во неделата ќе врши примарна здравствена дејност од областа на гинекологијата и акушерството на територијата на општина Шуто Оризари. Наместо ова нефункционално и паушално решение, за 1.200.000,00 денари односно за 20.000,00 евра, проблемот со недостаток од матичен гинеколог за жените од оваа општина би бил целосно решен со тоа што ќе има матичен гинеколог во општината, секој работен ден во годината.

Одлуката за изградба на базен не само што не соодветствува со најитните потреби на граѓаните од Шуто Оризари, туку го отвара и прашањето за идните приоритети на надлежните кога станува збор за граѓаните од ромска етничка припадност. Изучувањето на водните спортови и здравјето на жената се неспоредливи категории од аспект на итност и неопходност.

Имајќи ги предвид фактите, бараме од надлежните да ги преиспитаат приоритетите на граѓаните од општина Шуто Оризари и да ги алоцираат ресурсите кон задоволување на егзистенцијални потреби за достоен живот.

 

 

Публикации

Кампањи

Сервиси

Работа со Х.Е.Р.А.

Стандарди и процедури за работа на Кризен центар за жртви на сексуално насилство

Од непосакувано „додворување“ и шеги со сексуална конотација до силување, кое може да го врши непознат, цела група, познато лице или член на семејството, сексуалното насилство е често застапен вид на злоупотреба и дел од проблематичната реалност на многу жени и девојчиња во светот и кај нас.

Повеќе »

„Задоволство и врски“ – SexEd 2.0

На второто издание на SexEd зборувавме за магијата на задоволството, разноликоста и филозофијата на врските – со себе и другите. Јавно отворивме многу скокотливи теми и скршивме цел куп табуа во само една вечер. SexEd 2.0 е едукативно и инспиративно патување за сите сетила, а сега во него можете да уживате и вие преку раскажувачките моќи на нашите говорници.

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Барање за прибирање понуди за видео продукција

ХЕРА – Асоцијација за здравствена едукација и истражување објавува барање за прибирање понуди од физички лица, консултантски куќи, здруженија на граѓани или фондации регистрирани согласно Законот за здруженијата на граѓани и фондации, за видео продукција – изготвување и испорака на едно промотивно видео и кратка верзија од видео спотот.

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.