09.06.2019

Повик за понуди: Анализа на пазарот за потребата од услуги за социјалното претпријатие „Нега Плус”

ХЕРА – Асоцијација за здравствена едукација и истражување објавува конкурс за ангажирање физичко или правно лице за спроведување анализа на пазарот за воведување нова линија на услуги во рамки на работењето на социјалното претпријатие „Нега Плус”.

Ангажманот е во рамките на проектот „Унапредување на репродуктивните права на Ромите во Шуто Оризари “, финансиран од Фондација Отворено Општество Македонија.

Ангажманот опфаќа: Спроведување на истражување и анализа на пазарот за потребите и можностите на старите и изнемоштени лица со цел воведување нова линија на услуги во работењето на „Нега Плус“.

  • Истражување на пазарот за потребите на старите и изнемоштени лица на територија на град Скопје;
  • Анализа на резултатите од истражувањето и давање препораки за нов тип на услуги;
  • Анализа на законска регулатива и можноста за вклучување на новата линија на услуги во работењето на „Нега Плус“;
  • Предлог цени за ново предложените услуги согласно можностите на потенцијалните клиенти на „Нега Плус“.

Временска рамка

Истражувањето, препораките и анализата треба да се изработат во период од 15.07.2019 г. до 02.10.2019 г. Во целокупниот процес консултантот треба да соработува со социјалниот претприемач на социјалното претпријатие „Нега Плус”.

Профил

Бараме физичко или правно лице чија главна одговорност ќе биде спроведување на истражување за потребите на старите и изнемоштени лица. Консултантот треба да има знаење и искуство за спроведувањето на овој тип активности, со веќе докажано искуство и продукти.

Физичкото или правното лице треба да ги исполнува(ат) следните услови:

  • 3 годишно искуство во спроведување на анализи на пазарот на услуги;
  • 3 годишно искуство во бизнис планирање;
  • Познавање на законските регулативи на граѓанските здруженија во остварување на економски активности (генерирање на сопствени приходи).

Надомест

Надоместот за реализација на ангажманот изнесува 1.000,00 (илјада) долари во бруто износ, според курс определен од донаторот на проектот.

Пријавување

На повикот може да се пријават физички или правни лица, како индивидуи и/или како тим.

Заинтересираните лица, најдоцна до 10 јули 2019 г. (до крајот на денот) потребно е да достават:

  • професионална биографија со вклучени референци;
  • предлог на акционен план за активностите од повикот;
  • предлог методологија за спроведување на истражувањето и временска рамка и предлог-буџет за активностите;
  • портфолио/листа на клиенти/организации за кои се спроведени истиот тип на активности.

Документите со назнака Повик за консултант/ правно лице за анализа на пазарот може да ги доставите на следниот начин:

  • Електронски, на следната електронска адреса: konkurs@hera.org.mk
  • По пошта, на адреса: ХЕРА „Франклин Рузвелт“ 51а/26, Скопје, со назнака: Повик за физичко или правно лице за анализа на пазарот.

Лицата коишто аплицирале ќе бидат известени за резултатите од повикот, по електронски пат, најдоцна во рок од 7 работни дена по извршениот избор.

Публикации

Кампањи

Сервиси

Работа со Х.Е.Р.А.

Стандарди и процедури за работа на Кризен центар за жртви на сексуално насилство

Од непосакувано „додворување“ и шеги со сексуална конотација до силување, кое може да го врши непознат, цела група, познато лице или член на семејството, сексуалното насилство е често застапен вид на злоупотреба и дел од проблематичната реалност на многу жени и девојчиња во светот и кај нас.

Повеќе »

„Задоволство и врски“ – SexEd 2.0

На второто издание на SexEd зборувавме за магијата на задоволството, разноликоста и филозофијата на врските – со себе и другите. Јавно отворивме многу скокотливи теми и скршивме цел куп табуа во само една вечер. SexEd 2.0 е едукативно и инспиративно патување за сите сетила, а сега во него можете да уживате и вие преку раскажувачките моќи на нашите говорници.

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.