06.06.2019

Повик за учество на обука за врснички едукатори

ХЕРА во рамките на својата програма за неформално сеопфатно сексуално образование (ССО) објавува повик за врснички едукаторки и едукатори.

Обуката опфаќа:

  • I дел: тридневна обука за теоретско запознавање со седумте компоненти на ССО и тоа: род, сексуално и репродуктивно здравје, граѓански аспекти, задоволство, насилство, врски и односи и различност.
    Обуката ќе се одржи од 24 до 26 јуни 2019 година во Скопје.
  • II дел: тридневна обука за спроведување работилници и процес на акредитација на врсничките едукатори. Овој дел ќе се одржи надвор од Скопје од 5 до 7 јули 2019 година.
  • Сите учесници кои ќе ја поминат акредитацијата ќе станат сертифицирани едукатори и едукаторки на ХЕРА и ќе имаат можност да спроведуваат едукации на млади во текот на 2019 година.

 Ги покануваме да се пријават сите млади кои се:

  • на возраст од 16 до 21 години,
  • мотивирани да водат работилници за едукација на врсници,
  • имаат основни познавања за сексуално и репродуктивно здравје и права,
  • сакаат да работат во тим и знаат да исполнуваат задачи навреме.

Пожелно е кандидатите да се:

  • со волонтерско и активистичко искуство за човековите права,
  • студенти и студентки на Институтите за род, психологија, филозофија, социјална работа, Медицинскиот факултет, Правниот факултет или други.

Заинтересираните најдоцна до 17 јуни 2019 година треба да испратат:

  • кратка биографија во која ќе го наведат своето претходно волонтерско и активистичко искуство, обуки за човекови права или зa сексуално и репродуктивно здравје,
  • писмо во кое ќе ја изразат својата мотивација зошто сакаат да бидат едукаторки и едукатори (најмногу 500 зборови).

Бројот на учесници е ограничен. Средствата за сместувањето и патните трошоци за двата дела од обуката се покриени од страна на ХЕРА. За првиот дел ова важи за учесниците со живеалиште надвор од Скопје.

Сите кандидати кои ќе влезат во потесниот избор можно е да бидат повикани на разговор. Ве молиме наведете телефон за контакт и електронска адреса.

Документите со назнака/предмет на пораката – повик за обука на врснички едукатори можете да ги доставите најдоцна до 17 јуни 2019 година, до 17 часот, на електронска пошта: seksualnoobrazovanie@hera.org.mk

Публикации

Кампањи

Сервиси

Работа со Х.Е.Р.А.

Стандарди и процедури за работа на Кризен центар за жртви на сексуално насилство

Од непосакувано „додворување“ и шеги со сексуална конотација до силување, кое може да го врши непознат, цела група, познато лице или член на семејството, сексуалното насилство е често застапен вид на злоупотреба и дел од проблематичната реалност на многу жени и девојчиња во светот и кај нас.

Повеќе »

„Задоволство и врски“ – SexEd 2.0

На второто издание на SexEd зборувавме за магијата на задоволството, разноликоста и филозофијата на врските – со себе и другите. Јавно отворивме многу скокотливи теми и скршивме цел куп табуа во само една вечер. SexEd 2.0 е едукативно и инспиративно патување за сите сетила, а сега во него можете да уживате и вие преку раскажувачките моќи на нашите говорници.

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.