Во рамките на својата програма за неформално сеопфатно сексуално образование (ССО), ХЕРА објавува повик за ЛГБТИ млади за учество на обука од областа на ССО.
Обука се состои од дводневна работилница за запознавање со седумте компоненти на ССО: род, сексуално и репродуктивно здравје, граѓански аспекти, задоволство, насилство, врски и односи и различност.
По поминувањето на обуката, учесниците ќе можат да му се приклучат на тимот на волонтери ХЕРАмлади или, пак, на друг начин да се вклучат во работата на ХЕРА.
Oбуката ќе се одржи на 5 и 6 август во Скопје, од 10 до 16 часот. За точната локација учесниците ќе бидат дополнително известени. Оние учесници кои ќе ги поминат сите седум компоненти на обуката ќе добијат сертификат.
Обуката е бесплатна: сите трошоци, освен за пат и сместување, ќе бидат покриени од страна на ХЕРА.
Ги покануваме да се пријават сите млади кои:
- Се на возраст од 16 до 22 години;
- Сакаат да добијат информации од полето на сексуалното и репродуктивно здравје и права;
- Се мотивирани да бидат волонтери во ХЕРА;
- Сакаат да работат во тим и знаат да исполнуваат задачи навреме.
*Бројот на учесници е ограничен.
Заинтересираните треба да го пополнат овој формулар во кој, меѓу другото, треба и да наведат за која обука се пријавуваат.
Важно: Личните податоци на пријавените учесници, внесени во формуларот за пријавување, ќе бидат обработени од страна на тимот во ХЕРА исклучиво за потребите на обуката и во согласност со Политиката на приватност на ХЕРА.
