09.11.2017

Повик за ангажирање консултант за спроведување обуки за мобилизација на ресурси со фокус на искористување на фондовите на Европската унија

ХЕРА – Асоцијација за здравствена едукација и истражување објавува повик за ангажирање консултант за спроведување обуки на тема Мобилизација на ресурси со фокус на искористување на фондовите на Европската унија.

Ангажманот е во рамки на проектот „Осигурување на одговорна транзиција од финансиската поддршка од Глобалниот фонд кон одржливо финансирање со средства од националниот буџет на програмите за ХИВ превенција и поддршка помеѓу клучните популации во Република Македонија”, кој е финансиски поддржан од Фондацијата Отворено општество – Македонија.

Целта на обуките е учесниците, околу 20 претставници од граѓанските организации кои работат на превенција на ХИВ, да се стекнат со знаења и вештини за мобилизација на ресурси, самостојно планирање и развивање проектни идеи, вмрежување со останати правни субјекти и подготовка и поднесување на предлог-проекти.

Од обуката се очекува најмалку шест граѓански организации активно да спроведуваат стратегии за мобилизација на ресурси со цел одржливост на дел од програмите на организацијата.

Опис на ангажманот

Бараме лице чија главна одговорност ќе биде спроведување на 2 (две) дводневни обуки во времетраење од пет консултантски дена, кои треба да се реализираат во следниот период:

  • Прва дводневна обука: 10 – 20 декември 2017 година и
  • Втора дводневна обука: 10 – 20 февруари 2018 година.

Лицето ќе биде одговорно за подготвување методологија за спроведување на обуките, дизајнирана според потребите на учесниците. Содржината на обуките треба да ги опфати следните теми:

  • Вовед во мобилизација на ресурси;
  • Вовед во фондовите на Европската унија (Програми на Европската унија достапни за Република Македонија и граѓански организации, следење повици од Европската унија);
  • Раководење со проектен циклус;
  • Вмрежување со останати правни субјекти (државни и јавни институции, здруженија, други правни лица);
  • Подготовка на проектна апликација за повици од Европската унија.

Консултантот ќе добие поддршка од внатрешен фасилитатор на ХЕРА при процесот на подготовка на методологијата, запознавање со потребите на учесниците, како при спроведувањето на обуките.

Обврски кои треба да ги реализира консултантот:

  • Спроведување на две дводневни обуки;
  • Изработка на методологија на работа (курикулум);
  • Изработка на презентации (Power Point) кои ќе останат на располагање на организацијата;
  • Изработка на извештај со препораки од испорачаните обуки и
  • Подготовка на работни материјали  за учесниците на работилниците.

Потребни квалификации на консултантот

  • Завршено високо образование;
  • Искуство од најмалку 5 години во спроведување обуки со фокус на мобилизација на ресурси;
  • Искуство од најмалку 5 години во развивање и аплицирање на проекти од фондови на Европската унија;
  • Способност за планирање и организација;
  • Течно говорење на македонскиот и англискиот јазик;
  • Насоченост кон навремено исполнување на зададените задачи;
  • Државјанство на Република Македонија.

За овој петдневен ангажман предвиден е надомест од 46.880 денари во бруто износ. Обуките ќе се спроведуваат надвор од Скопје. Трошоците за превоз, храна и сместување за консултантот ќе бидат покриени од страна на ХЕРА.

ПРИЈАВУВАЊЕ

Сите заинтересираните кандидати, најдоцна до 17 ноември 2017 година, потребно е да достават:

  • професионална биографија,
  • портфолио/список на клиенти/организации за кои се спроведени исти/слични активности,
  • предлог-методологија за планираните обуки и
  • образец за финансиска понуда.

Документите со назнака  Повик за ангажирање на консултант за спроведување обуки за мобилизација на ресурси треба да се достават:

  1. По електронска пошта: konkurs@hera.org.mk или
  2. По пошта: Здружение Х.Е.Р.А. – Асоцијација за здравствена едукација и истражување, ул. „Франклин Рузвелт“ бр. 51а, 1000 Скопје.

Лицата коишто аплицирале ќе бидат известени за резултатите од повикот, по електронски пат, најдоцна 10 дена по извршениот избор.

*На повикот можат да аплицираат и правни лица преку номинирање на физичко лице кое ги исполнува условите за спроведување на ангажманот.

Критериуми за избор на консултант:

  • Искуство и број на одржани обуки од областа – 30%
  • Искуство и број на подготвени апликации/добиени проекти – 40%
  • Финансиска понуда – 30%

Публикации

Кампањи

Сервиси

Работа со Х.Е.Р.А.

Кои се инвестициите и минималните стандарди за заштита од родово засновано и семејно насилство?

Родово заснованото и домашното насилство се меѓу најгорливите проблеми кај нас и дел од секојдневието на многу граѓанки и граѓани. Како потписничка на Истанбулската конвенција, нашата земја има обврска ефективно да се справи со оваа состојба; едно од клучните решенија е да обезбеди основни финансиски средства и стандарди за подобрување на достапноста кон специјализираните сервиси за жртвите на овие видови […]

Повеќе »

„Задоволство и врски“ – SexEd 2.0

На второто издание на SexEd зборувавме за магијата на задоволството, разноликоста и филозофијата на врските – со себе и другите. Јавно отворивме многу скокотливи теми и скршивме цел куп табуа во само една вечер. SexEd 2.0 е едукативно и инспиративно патување за сите сетила, а сега во него можете да уживате и вие преку раскажувачките моќи на нашите говорници.

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

„Нега Плус“ нуди можност за работен ангажман

„Нега Плус“ e социјално претпријатие кое нуди професионална грижа и нега на стари и изнемоштени лица во домашни услови, основано во рамки на ХЕРА – Асоцијација за здравствена едукација и истражување. За потребите на „Нега Плус“, објавуваме повик за ангажирање: две сертифицирани негувателки за нега и грижа на стари лица во домашни услови; две жени за одржување и помош во […]

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.