[Повторен повик] Повик за понуди: Консултант за спроведување на истражување на јавно мислење и изработка на комуникациска стратегија

ХЕРА – Асоцијација за здравствена едукација и истражување објавува конкурс за ангажирање на консултант за спроведување на Истражување на јавното мислење за организацијата и Подготовка на комуникациска стратегија.

Ангажманот е во рамките на проектот „Цивика Мобилитас институционален грант ЦМ-ИНС-03“.  Цивика Мобилитас е проект на Швајцарската агенција за соработка и развој (СДЦ), претставен од Швајцарската амбасада во Република Македонија, кој го спроведуваат НИРАС од Данска, Македонскиот центар за меѓународна соработка (МЦМС) и Шведскиот институт за јавна администрација (СИПУ).

Во рамки на проектот е предвидено спроведување на истражување на јавното мислење со цел испитување на перцепцијата на јавноста за организацијата и нејзината работа и подготовка на комуникациска стратегија на организацијата.

Повикот е отворен за физички и правни лица.

АНГАЖМАНОТ ОПФАЌА:

Цел и очекувани резултати:

• Да се добие подобра слика за перцепцијата и влијанието на организацијата врз општата јавност
• Да се изработи комуникациска стратегија за унапредување на јавната слика и комуникација на ХЕРА

ОЧЕКУВАНИ ПРОДУКТИ

• Изработка на методологија и дизајн на истражувањето
• Спроведување на истражување на репрезентативен примерок
• Анализа и презентација на првични наоди од истражувањето пред организацијата
• Подготовка на извештај за наодите од истражувањето
• Фасилитирање на процесот на подготовка на комуникациска стратегија преку тридневна работна средба
• Подготовка на комуникациска стратегија која ќе се темели на наодите од истражувањето на јавното мислење и перцепцијата за организацијата и на работната средба

ВРЕМЕНСКА РАМКА:

Ангажманот е очекувано да трае 25 консултантски денови, за периодот април – јуни 2017 година во траење од 20 консултантски денови (за истражувањето) и септември – ноември 2017  во траење од 5 консултантски денови (за комуникациската стратегија)

ПРОФИЛ И КВАЛИФИКАЦИИ НА КОНСУЛТАНТОТ:

Бараме лице/тим/правно лице чија главна одговорност ќе биде:

1. Спроведување на истражување на јавното мислење и перцепцијата кај општата јавност за ХЕРА и за работата на ХЕРА и
2. Подготовка на комуникациска стратегија на организацијата

Консултантот треба да има знаење и искуство за и во спроведувањето на овој тип на активности за што треба да приложи соодветни  докази.

Консултантот/тимот од консултанти/физичкото лице(а) номинирано(и) од правното лице треба да ги исполнува(ат) следните услови:

• Истражувач со 5 годишно искуство како методолог и како главен истражувач во спроведување на истражувања на јавното мислење, за што ќе треба да достави и доказ/портфолио
• Комуниколог со 5 годишно искуство во фасилитирањето и подготвувањето на комуникациска стратегија, преферирано да има искуство и со организации од граѓанскиот сектор
• Во својата биографија да посочи/ат на искуства во работа со граѓанскиот сектор во РМ и познавање на човековите права, сексуалното и репродуктивно здравје и права, правата и потребите на лицата од маргинализираните групи
• Доколку аплицира тим на истражувачи и консултанти, да се наведат улогите на тим лидерот и на останатите членови на истражувачкиот тим
• Способности за планирање и организација
• Течно говорење и пишување на македонскиот и англискиот јазик
• Насоченост кон навремено исполнување на зададените задачи
• Државјанство на Република Македонија

АПЛИКАЦИЈА:

На повикот може да се пријават физички или правни лица, како индивидуи и/или како тим.

Заинтересираните лица, најдоцна до 10 април 2017 (крај на ден) потребно е да достават:

• предлог методологија и алатки за спроведување на истражувањето
• предлог на акционен план (по активности и денови) за спроведување на истражувањето
• предлог на акционен план (по активности и денови) за изработка на комуникациската стратегија
• предлог буџет според акциониот план
• професионална биографија со вклучени референци на секој од консултантите
• портфолио/листа на клиенти/организации за кои се спроведени истиот/сличниот тип на активности

Документите со назнака Повик за консултант за истражување на јавно мислење и изработка на комуникациска стратегија може да ги доставите на следниот начин:

Електронски, на  следната електронска адреса: konkurs@hera.org.mk

По пошта, на адреса: Х.Е.Р.А. ул. Дебарца 56/1-4, Скопје, со назнака (Повик за консултант за истражување на јавно мислење)

Лицата коишто аплицирале ќе бидат известени за резултатите од повикот, по електронски пат, најдоцна 15 дена по избор на консултант.