08.03.2019

Осмомартовски проглас

Денеска маршираме за да покажеме дека трпението ни е на црвено! Денеска маршираме за да покажеме дека веќе нема да толерираме празна реторика! Не прифаќаме декларативно залагање за родова еднаквост, ниту закони и стратегии за кои не се издвојуваат финансиски средства и кои не водат кон остварување на реални промени во животите на жените.

Бараме:

  1. Парламентот веднаш и без одлагање да ги донесе Законот за прекинување на бременоста, Законот за спречување и заштита од дискриминација и Законот за социјална заштита, онака како што се предложени!
  2. Владата да обезбеди буџет и институционални предуслови за остварување на ветувањата за унапредување на правата на жените и на родовата еднаквост!
  3. Афирмативни мерки за вклучување и унапредување на статусот на жените на пазарот на трудот и функционални механизми за заштита од дискриминација на работното место по родова основа!
  4. Итно отстранување на дискриминаторските критериуми во Националната програма за рурален развој!
  5. Адекватна, навремена и ефикасна превенција, заштита и поддршка на жртвите и на потенцијалните жртви на родово базирано насилство од институциите кои се дел од системот за заштита, како и строго санкционирање на секое непостапување. Обезбедување доволно финансиски средства за бесплатна правна помош за жените кои претрпеле семејно насилство и застапување во граѓанските и кривичните судски постапки. Ги повикуваме основните судови за ги изрекуваат предвидените затворски казни за сторителите на семејно насилство.
  6. Итни реформи во здравствената заштита за унапредување на репродуктивното здравје на жените – обезбедување пристап до гинеколошки услови за сите жени и целосно искоренување на незаконската наплата на услугите кои следуваат бесплатно кај матичните гинеколози. Унапредени програми со опфат од над 75% од жените за рано откривање на ракот на грлото на матката и ракот на дојката кај жените, зголемен број и квалитет на посети меѓу жените во репродуктивен период, за време на бременоста и во периодот по породувањето, особено кај најранливите категории: Ромките, жените од руралните подрачја и жените кои живеат во неповолни социо-економски услови. 
  7. Закон за спорт и стратегија за спорт во кои се води сметка и за спортистките
  8. Локалните власти да обезбедат активно учество во планирањето на програмите и буџетот, пристап до јавен превоз, градинки, вода, осветлување, игралишта и ефикасно собирање отпад.
  9. Валоризација и поддршка на автентичното женско уметничко творештво и на женското дејствување во културата. Итно донесување на закон за култура со кој ќе се заштитат работничките права на културните работнички и ќе се унапредат нивните услови за работа и за професионален развој.

Време е институциите на оваа држава да почнат да работат и за граѓанките!

Публикации

Кампањи

Сервиси

Работа со Х.Е.Р.А.

Анализа и предлог-модалитети: здравствената заштита за репродуктивното здравје во Македонија

Жените во Македонија, особено оние од социјално ранливите групи, се соочуваат со различен вид на бариери во обидот да се снабдат со услуги за репродуктивното здравје. Лошото репродуктивно здравје е причина за една третина од глобалното оптоварување со болест кај жените во репродуктивна возраст и една петтина од сите причини за глобалното оптоварување од болести кај општата популација.

Повеќе »

Чук, чук, извинете што пречам на часот, ССО кога ќе имаме?

Изминува уште една година без сеопфатно сексуално образование (ССО) во училиштата. Па, преку низа предновогодишни честитки испратени од Амстердам, Скопје, Естонија, Тирана и Данска, младите му порачаа на Министерството за образование и наука што сакаат да им донесе во новата 2019-та!

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Конкурс за ангажирање на финансиски/-ка асистент/-ка

Во рамките на проектот „Отвораме можности” поддржан од Европската Комисија во рамки на ИПА Програмата за граѓанско општество и медиуми 2016-2017, ХЕРА објавува конкурс за ангажирање на финансиски/-ка асистент/–ка во Скопје, за период јуни-декември 2019 година, со можност за продолжување.

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.