30.05.2017

КОНКУРС за практикант во ХЕРА

На крајот од 2016 година ХЕРА започна со нова програма за практиканти, која им е достапна на младите. Можноста да се биде практикант во ХЕРА отвори нови насоки во кои младите можат да се развиваат и да градат искуство преку  вклучување во секојдневните активности на организацијата.

Младите кои се заинтересирани да станат практикант во ХЕРА треба да ги исполнуваат следните квалификации:

  • Возраст од 18 – 25 години
  • Има најмалку една година волонтерско или активистичко искуство во формално или неформално здружение на граѓани
  • Во последните 2 години координирале или воделе одредена активност како волонтери или активисти
  • Одлично познавање на македонски и англиски јазик
  • Изградени вештини за логистика
  • Изградени вештини за информатичка технологија (Word, Excel, PowerPoint, WordPress, социјални медиуми)
  • Насоченост кон навремено исполнување на зададените задачи

Предност ќе имаат младите кои :

  • Има поминато обука од областа на сексуалното и репродуктивно здравје и човековите права
  • Поминале модул на сеопфатно сексуално образование

 

Практикантот/ката ќе биде одговорен/на да асистира и да стекнува искуство и знаења во имплементација на активности кои се однесуваат на младинската програма во ХЕРА. Практикантот/ката ќе волонтира на активности со цел зголемување на учеството на волонтерите во промоција на СРЗП и ССО како и зголемување на инволвираноста на волонтерите како едукатори за ССО. Практикантот/ката ќе подготвува редовни извештаи за спроведената работа пред координаторот на младинската програма.

Предвиденото време за волонтирање на практикантот/ката  е секој работен ден од 08:30/9:30 до 12:30/13:30 или 12:30/13:30 – 16:30/17:30 часот. Вкупниот број на часови за волонтирање во неделата е 20 часа. Практикантот/ката добива нето месечен надоместок за трошоци за храна и превоз во износ од 4.654,00 денари.

Заинтересираните волонтери најдоцна до 11 јуни да испратат:

  • кратка биографија во која ќе се наведат активностите кои ги имплементирале како волонтери или активисти, како и обуките кои ги поминале
  • пополнет документ со име „Апликација за практикант во ХЕРА“, која може да ја најдете на овој линк
  • индивидуална препорака од одговорно лице во здружението каде се остварило претходното волонтерско искуство

Сите кандидати кои ќе влезат во потесниот избор ќе бидат повикани на разговор. Ве молиме наведете телефон за контакт и e–mail адреса.

Сите кандидати ќе бидат известени за резултатите од Конкурсот, по електронски пат, во рок од 8 дена по затворање на конкурсот.

Документите со назнака/предмет на пораката Конкурс за практикант можете да ги доставите по електронска пошта: konkurs@hera.org.mk

Публикации

Кампањи

Сервиси

Работа со Х.Е.Р.А.

Прирачник за сензибилизација на семејни лекари за СРЗ на лицата со попреченост

Прирачникот за сензибилизација на здравствените работници (семејните лекари) го изготвија д-р Катерина Станкова Нинова, д-р Зоран Стојановски и Весна Матевска со цел да ја подотворат вратата за исклучително спефицична тема – сексуалноста на лицата со попреченост.

Повеќе »

Отворен ден ХЕРАМлади

ХЕРАМлади организираат отворен ден за сите оние кои сакаат да им се придружат! Ако си активист, ако си млад од 17-21 година, ако сакаш да дознаеш повеќе за сексуално и репродуктивно здравје, ако сакаш и твоите врсници да знаат повеќе, придружи ни се на отворениот ден и дознај повеќе! Сакаш да го искористиш твоето време за нешто различно од досегашното […]

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Барање за прибирање понуди за изработка и емитување на видеоспот

ХЕРА – Асоцијација за здравствена едукација и истражување, со поддршка од Амбасадата на Кралството Холандија во Република Македонија, го спроведува проектот „Собранието и локалната самоуправа во унапредувањето на правата на ЛГБТ луѓето“. Во рамки на овој проект се предвидени активности за зголемување на свеста на јавноста за намалување на дискриминацијата и насилството врз ЛГБТ лицата во Македонија преку реализација на […]

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.