27.06.2017

[продолжен повик] Конкурс за вработување координатор/ка на проект на определено време

Асоцијацијата за здравствена едукација и истражување Х.Е.Р.А. – објавува конкурс за вработување на определено време за:

Координатор/ка на проектот „Собранието и локалните самоуправи во унапредување на ЛГБТ правата“ поддржан од Амбасадата на Кралството Холандија во Скопје

 

Кандидатките и кандидатите треба да ги исполнуваат следните услови:

Општи квалификации:

  • Завршено високо образование
  • Одлично познавање на англиски јазик
  • Одлично познавање на работа со компјутери (Microsoft Office)
  • Државјанство на Република Македонија

Искуство и вештини:

  • Десетгодишен работен ангажман
  • Најмалку тригодишно работно искуство на позиција координатор на проект
  • Најмалку едногодишен ангажман во заштита на правата на ЛГБТ
  • Изградени вештини за административна работа, организирање на активности и подготовка на наративни и финансиски извештаи
  • Познавање на националните механизми за заштита на човекови права и заштита од  дискриминација
  • Вештини за комуникација и соработка со донесувачи на одлуки
  • Ефикасна организација на работното време и исполнителност
  • Изградени способности за тимска работа

 

Предност ќе имаат кандидати и кандидати со:

  • Искуство во соработка со претставници на локалните самоуправи
  • Искуство во работа со пратеници во Собранието на Република Македонија

 

Опис на работната позиција:

Вработената или вработениот ќе биде одговорна/ен за сите аспекти на имплементацијата на активностите, како и за известување во однос на поставените индикатори и финансиската рамка. Таа/тој ќе спроведува активности за градење на капацитети, координација со партнери, ќе организира консултативни средби, студиска посета, истражување, медиумска кампања. Ќе работи со пратениците од Собранието на РМ, со Локалните тела за заштита од дискриминација, со општините и со здруженијата на граѓани, како и со самата ЛГБТ заедница. Работниот ангажман е од 1 јули 2017 година до 31 декември 2018 година, со полно работно време од 40 работни часови со покриени придонеси за здравствено и пензиско осигурување. Предвидената плата во БРУТО износ е 50.600. денари

 

Најдоцна до 4 јули 2017 година (вторник), заинтересираните кандидати треба да достават:

– Биографија (во која јасно го наведуваат претходното искуство според пропозициите/условите на конкурсот)

– Писмо за мотивација

– Една препорака од претходните работни места која потврдува работно искуство како координатор на проект

 

Ќе се разгледуваат само оние кандидатки и кандидати кои ќе ги достават бараните документи. Оние кои ќе ги обезбедат докази за бараните критериуми ќе влезат во потесен избор и ќе бидат повикани на разговор. Ве молиме наведете телефон за контакт и e-mail адреса.

Кандидатките и кандидатите ќе бидат известени за резултатите, по електронски пат, во рок од 8 дена по затворање на конкурсот.

ХЕРА гарантира дека при изборот сите кандидати без оглед на етничката припадност, родовата идентификација, сексуалната ориентација, возраста, брачниот и родителскиот статус, расата, попреченоста или која било друга основа, ќе имаат еднакви услови.

Документите со назнака/предмет на пораката конкурс за координатор на проект можете да ги доставите на следниов начин: 

По електронска пошта: konkurs@hera.org.mk
По пошта:  Х.Е.Р.А. ул. Дебарца 56/1-4, Скопје, со назнака (оглас за координатор на проект)

Публикации

Кампањи

Сервиси

Работа со Х.Е.Р.А.

Стандарди и процедури за работа на Кризен центар за жртви на сексуално насилство

Од непосакувано „додворување“ и шеги со сексуална конотација до силување, кое може да го врши непознат, цела група, познато лице или член на семејството, сексуалното насилство е често застапен вид на злоупотреба и дел од проблематичната реалност на многу жени и девојчиња во светот и кај нас.

Повеќе »

„Задоволство и врски“ – SexEd 2.0

На второто издание на SexEd зборувавме за магијата на задоволството, разноликоста и филозофијата на врските – со себе и другите. Јавно отворивме многу скокотливи теми и скршивме цел куп табуа во само една вечер. SexEd 2.0 е едукативно и инспиративно патување за сите сетила, а сега во него можете да уживате и вие преку раскажувачките моќи на нашите говорници.

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.