MK

Младински центри „Сакам да знам“

Нашите два младински центри за сексуално и репродуктивно здравје „Сакам да знам“ се наоѓаат на Водно и во Шуто Оризари и се отворени секој работен ден.

ВАЖНО! Младинските центри се отворени за прием, закажување и нудење на услуги, со почитување на протоколот за заштита (задолжително носење на маски, ракавици и дезинфекција на раце). Притоа, ХЕРА ги обезбедува сите заштитни материјали за клиентите.

Воедно, би сакале да ве известиме дека поради градежни работи во близина на Младинскиот центар „Сакам да знам“ – Водно, имаме прекини во телефонската линија и интернет-конекцијата поради што не сме секојпат во можност да ги примиме вашите пораки и да ви одговориме навреме. Ви благодариме за разбирањето.

Tермин може да закажете лично во нашите младински центри: Младинскиот центар – Водно работи од 11 до 18 часот од понеделник до четврток и од 9 до 16 часот во петок, а Младинскиот центар – Шуто Оризари е отворен секој работен ден од 9 до 16 часот. Термин може да закажете и телефонски на соодветните телефонски броеви, како и на телефонскиот број +389 (0)2 3290 395, и електронски на hera@hera.org.mk.

„Сакам да знам“ – Водно

  • Ул. Елисие Поповски Марко бр. 2, 1000 Скопје
  • 02/3176-950
Понеделник

Советувалиште за заштита од ризици и употреба на супстанции
14.30 – 17.30

Тестирање за ХИВ
15.00 – 18.00

Дерматовенеролог
16.00 – 18.00

Вторник

Советувалиште за заштита од ризици и употреба на супстанции
14.30 – 17.30

Гинеколог
15.00 – 18.00

Советување и тестирање за ХИВ
15.00 – 18.00

Среда

Дерматовенеролог
15.00 – 18.00

Советување и тестирање за ХИВ
16.00 – 18.00

Четврток

Советувалиште за заштита од ризици и употреба на супстанции
14.30 – 17.30

Советување и тестирање за ХИВ
16.00 – 19.00

Психолог
16.00 – 19.00

„Сакам да знам“ – Шуто Оризари

  • Ул. Индира Ганди бб (Здравствен дом во Шуто Оризари)
  • 02/2651-955
Понеделник

Правник
9.00 – 16.00

Социјален работник
9.00 – 16.00

Советување и тестирање за ХИВ
13.00 – 16.00

Вторник

Правник
9.00 – 16.00

Социјален работник
9.00 – 16.00

Гинеколог
15.00 – 17.00

Среда

Правник
9.00 – 16.00

Социјален работник
9.00 – 16.00

Советувалиште за дроги
14.30 – 17.30
(*само со претходно закажување)

Гинеколог
16.30 – 18.30

Четврток

Правник
9.00 – 16.00

Социјален работник
9.00 – 16.00

Тестирање за ХИВ
15.00 – 18.00

Дерматовенеролог
15.00 – 18.00

Петок

Правник
9.00 – 16.00

Социјален работник
9.00 – 16.00

Психолог (само телефонски)
10.00 – 15.00

Преку нив ги даваме следните бесплатни и доверливи услуги:

 

  • Гинеколошки услуги
    – Дијагностика на сексуално преносливи инфекции (гонореја, сифилис, хламидија,  трихомонијаза, кандида) преку ПАП-тест и други микробиолошки тестови;
    – Администрирање терапија и контрацепција (кондоми, спирала, орална и итна контрацепција);
    – Советување за планирање родителство и превенција на непланирана бременост, бимануелен преглед и ЕХО преглед, тестови за бременост.

 

  • Дерматовенеролошки прегледи
    – Крио-терапија за кожни промени и кондиломи и друг тип на терапија наменета за кожни промени;
    – Дијагностика и терапија за сексуално преносливи инфекции (гонореја, сифилис, трихомонијаза, хламидија);
    – Советување за превенција на сексуално преносливи инфекции (гонореја, сифилис, трихомонијаза, хламидија).

 

  • Тестирање и советување за ХИВ

 

  • Услуги од социјален работник и психолог
    – Информации и советување за добивање документи за лична идентификација;
    – Информации и советување за социјални права (социјална заштита, пензиско и инвалидско осигурување);
    – Контакти/средби со/во институции/организации во име на клиент;
    – Информирање и придружување во соодветна социјална институција за остварување на одредено право;
    – Советување за социјално вклучување и справување со кризни ситуации;
    – Информирање и советување за здравствени права (права на пациенти, здравствена заштита, здравствено осигурување);
    – Советување и поддршка поврзана со родовобазирано насилство, вклучително и семејно насилствo;
    – Психо-социјални советувања: советување за сексуалност, сексуални врски, врски; пубертет (телесни и психички промени), меѓуврснички релации и конфликти, промени и криза во адолесценција; психолошка поддршка во справување со кризи; советување за малолетнички бракови и малолетничка бременост; бихевиорално советување.

 

  • Врсничка едукација за ХИВ и сексуално и репродуктивно здравје

 

  • Правна помош и поддршка од правен советник и параправници од ромската заедница

 

  • Дистрибуција на кондоми, лубриканти и едукативни материјали

 

  • Советување за превенција на употреба на дроги