Лажните информации за сеопфатното сексуално образование без престан ги пласираат групи на наводно загрижени родители, па човек не може да не се запраша: Какви вредности носат луѓе кои свесно лажат, клеветат и поттикнуваат омраза?
ХЕРА најостро ги демантира невистините за сеопфатното сексуално образование (ССО) кои не стивнуваат веќе трета учебна година по ред. Најновата во низата лаги што организирано и тенденциозно се пласираат со единствена цел да се оцрни организацијата и да се подгреваат паниката и стравот од ССО и родовата еднаквост доаѓа од Гордана Гоџо, претседателка на граѓанското здружение „Од нас за нас“ – и е лага што може да се разобличи со еден клик!
Имено, во нејзината последна објава на оваа тема, објавена на нејзиниот профил на „Фејсбук“ на 2 септември, таа тенденциозно споделува работен лист како дел од наставен материјал по изборен предмет кој го доведува во корелација со актуелната Концепција за основно образование. На тој начин, таа ги наведува граѓаните што ја следат да помислат дека работниот лист е подготвен како дел од образовната реформа и дека како таков (ќе) се користи во 4-то и 6-то одделение.
Со само еден клик може да се види дека споделените работни листови се дел од Програмата Образование за животни вештини од IV до VI одделение (стр. 259-260), која во образовниот систем се спроведуваше уште во 2009/2010 година и чии содржини задолжително се обработуваа на одделенскиот час. Со други зборови, таа креира слика за ССО користејќи наставни материјали од програма која не е дел од реформите во основното образование и кои треба да се ревидираат во согласност со Националните стандарди за основно образование.
Токму поради ширењето на слични невистини и лаги во јавноста, во 2021 година ХЕРА поднесе тужба против „Од нас за нас“ за утврдување граѓанска одговорност за навреда и клевета. Процесот сѐ уште трае.
Она што е веројатно помалку познато во јавноста е дека „Од нас за нас“ е дел од коалиција која со транснационална поддршка ги брани штетните патријархални вредности, уназадувајќи ги правата на жените и младите и засилувајќи ги предрасудите за сограѓаните кои се во ранливи ситуации или на маргините на општеството. Во нејзините редови покрај конзервативни политички партии, религиски организации и организации против правото на абортус, има и анонимни групи и страници на Фејсбук, но и луѓе – меѓу кои и Гоџо – против кои Комисијата за спречување и заштита од дискриминација веќе донесе мислења за сторено вознемирување поради користење дискримининаторен говор.
Имајќи ја предвид, од една страна, нивната растечка мрежа на дејствување, особено на социјалните мрежи, а од друга страна, брзината со која се шират сензационалистички и лажни вести, повторно апелираме до граѓаните, а особено до родителите и младите да ги земат со голема доза на претпазливост и да ги проверуваат сите информации за ССО коишто на Фејсбук ги споделуваат „Од нас за нас“, Коалицијата за заштита на децата, Иницијативата „Учебници и настава мора да има“, „Либрис Плус“ и ним сличните.
Сите овие се иницијативи и организации се претставуваат како загрижени, но не можеме да веруваме дека се грижливи бидејќи со објави како последнава директно го загрозуваат правото на децата да имаат пристап до точни информации за своето здравје, како и до знаења и вештини кои во иднина ќе им овозможат да бидат побезбедни. Башка, не можеме да не се запрашаме – какви вредности носат луѓе кои, криејќи се зад слободата на говор, свесно лажат, клеветат и поттикнуваат говор на омраза?
False information about comprehensive sexuality education has been non-stop disseminated by groups of allegedly concerned parents, so one cannot help but wonder: What sort of values are nurtured by people who knowingly lie, slander and incite hatred?
HERA vehemently denies the fabrications about comprehensive sexuality education (CSE) that will not subside third school year in a row. The latest in a series of lies which have been planted intentionally and in an orchestrated way with a single purpose to defame our organisation and stir up panic and fear from CSE and gender equality comes from Gordana Godjo, the president of the civil society organisation “Od nas za nas” [“From Us – For Us”] – and it is a lie that can be readily exposed with a single click!
In her latest post on this topic, published on her Facebook profile on 2 September, she tendentiously shares a worksheet which forms part of the teaching material for an elective subject which she brings into correlation with the current Concept Note on Primary Education. In this way, she is misguiding the people following her profile to think that this worksheet has been developed as part of the educational reforms, and as such, is (to be) used in the 4th and 6th grades.
A single click reveals that that the worksheets shared actually form part of the curriculum on Life Skills Education for the 4th and 6th grades (pp. 259-260), which was introduced into the education system back in 2009/2010, the contents of which are mandatory to be instructed during the homeroom class. In other words, she paints an image of CSE using teaching materials from a curriculum which constitutes no part of the primary education reforms, and which are pending revision in compliance with the National Standards on Primery Education.
It is exactly because of disseminating similar untruths and lies in the public that in 2021 HERA filed a lawsuit against “Od nas za nas” seeking to establish civil liability on account of insult and defamation. The process is still ongoing.
What is probably less known in the public is that “Od nas za nas” is part of a coalition that, helped by transnational support, defends the harmful patriarchal values, demoting the rights of women and young people, reinforcing the prejudice about fellow citizens found in vulnerable situations or on the margins of the society. In addition to conservative political parties, religious organisations and anti-abortion organisations, the ranks of this coalition also include anonymous groups and Facebook pages, and also people – Godjo included – in relation to whom the Commission for Prevention and Protection against Discrimination has already adopted opinions on committed harassment based on discriminatory speech.
Taking into account their growing action network, particularly on the social media, on the one hand, and the speed at which sensationalistic and false news spread, on the other, we again call upon all people, and particularly on parents and young people, to take a large dose of caution and verify all information about CSE shared on Facebook by “Od nas za nas”, the Coalition for the Protection of Children, the Initiative “There Must Be Schoolbooks and Instruction”, “Libris Plus” and the like.
All these initiatives and organisations pose as being concerned, but their concern cannot be trusted since such posts as the last one directly jeaopardise the right of the children to have access to accurate information about their health, and to knowledge and skills that will allow them to be safer in the future. More so, we cannot help but wonder – what sort of values are nurtured by people who, under the pretext of freedom of speech, knowingly lie, slander and incite hate speech?
