Me një sërë eventesh kulturore “Hapësirë bashkëbiseidmi”, që do të mbahen në gjashtë qytete të vendit në fund të majit dhe fillim të qershorit, HERA – Asociacioni për Edukim Shëndetësor dhe Hulumtim në bashkëpunim me Qendrën Kulturore Interart, do të ngrenë ndërgjegjësimin për barazinë gjinore. Këto ngjarje janë pjesë e projektit “Hapësirë bashkëbisedimi” të mbështetur nga Gjermania përmes Shoqatës Gjermane për Bashkëpunim Ndërkombëtar (GIZ) në kuadër të projektit rajonal për përfshirjen sociale të grupeve të cenueshme në Ballkanin Perëndimor.
Qëllimi i eventit është forcimi i ndjenjës së përkatësisë ndaj komunitetit, zhdukjen e stereotipave dhe fuqizimin e të rinjve, personat e margjinalizuar dhe socialisht të cenueshëm përmes artit, vallëzimit, teatrit dhe filmit të bashkuar në një shfaqje, të interpretuar nga valltarët e Teatrit të vallëzimit të Shkupit.
Eventi “Hapësirë bashkëbisedimi” përbëhet nga një film me metrazh të shkurtër dhe një performancë kërcimi, të cilat përfaqësojnë një reflektim artistik mbi temën. Janë ftuar sociologë, aktivistë dhe psikologë, të cilët do të flasin se ku jemi dhe çfarë duhet të bëjmë më pas lidhur me pozitën sociale dhe barazinë gjinore.
Përmes përfshirjes aktive të audiencës dhe ndërveprimit me ta, shprehen përvoja personale, histori reale të njerëzve nga mjedisi ynë dhe përballja me pabarazinë ekzistuese gjinore. Në të njëjtën kohë, përmes diskutimeve gjatë eventeve, ne ndërtojmë komunitete të forta që e kuptojnë rëndësinë e respektimit të së drejtës për barazi si parakusht kryesor për paqen dhe zhvillimin në mjedisin ku jetojmë. Të gjithë duam një shoqëri të shëndetshme, humane dhe të kujdesshme, në të cilën të rinjtë informohen, dëgjohen dhe mbështeten përmes kuptimit dhe pranimit të barazisë gjinore, e cila është baza e shprehjes së lirë dhe realizimit të potencialit të secilit.
Eventet do të mbahen në disa qytete në periudhën nga 20 maji deri më 4 qershor të këtij viti. Shfaqja e parë do të shfaqet në skenën e Shtëpisë së Kulturës në Kumanovë më 20 maj, në ora 12:00. Të nesërmen, më 21 maj, në ora 12:00 në Shtip, në skenën e Qendrës Multimediale UGD, më 22 maj në ora 12:00, në Veles, në skenën e vogël të Teatrit Kombëtar “Jordan Haxhi-Konstantinov – Xhinot”, dhe më 23 maj në ora 12:00 në Manastir në skenën e re të Teatrit Kombëtar dhe Shtëpisë së Kulturës. Eventi “Hapësirë bashkëbisedimi” vazhdon më 3 qershor në ora 20:00 në Shtëpinë e Rinisë në Ohër dhe më 4 qershor në ora 12:00 në Strugë në skenën e Shtëpisë së Kulturës.
