Ne e përpiluam Doracakun për ofruesit e shërbimeve në qendrat për këshillim për viktimat e dhunës, i cili besojmë se do t’u shërbejë trajnuesve gjatë realizimit të trajnimeve për ofruesit e shërbimeve (psikologë, punëtorë social, avokatë dhe profesionistë të tjerë të përfshirë në procesin e këshillimit dhe mbështetjes së viktimave të dhunës).
Synimi është sensibilizimi i ofruesve të shërbimeve dhe përmirësimi i njohurive dhe aftësive të tyre për të ofruar shërbime të specializuara për viktimat e dhunës me bazë gjinore dhe dhunës në familje në vend.
Me këtë doracak, trajnuesve për dhunën me bazë gjinore u ofrohet një model trajnimi pesë-ditor, ose një trajnim efektiv prej 30 orësh, për të unifikuar trajnimin që ofruesit e shërbimeve marrin në përputhje me standardet e Komisionit Evropian1.
Parashikohet që në fund të trajnimit pjesëmarrësit të fitojnë njohuri, aftësi dhe teknika më të mëdha për:
– Gjininë, normat gjinore dhe stereotipat si faktorë që e përcaktojnë dhunën ndaj grave;
– Për ndërhyrjen në një krizë pas dhunës së kryer, për trajtimin e traumave dhe pasojave post-traumatike për klientët;
– Të kuptojë parimin e konfidencialitetit;
– Të kuptojnë aftësitë e komunikimit të nevojshme për të ofruar mbështetje për gratë që kanë mbijetuar dhunën;
– Për legjislacionin vendas dhe standardet ligjore ndërkombëtare për mbrojtjen nga dhuna me bazë gjinore;
– Për njohjen e diskriminimit, barazisë dhe llojeve të barazisë, si dhe për mbrojtjen nga diskriminimi dhe parandalimin e tij;
– Për shërbimet e disponueshme të ndihmës dhe mbështetjes për viktimat e dhunës me bazë gjinore në vendin tonë;
– Të kuptojë konceptin e fuqizimit të grave dhe kuptimin e tij për gratë që i kanë mbijetuar dhunës.
Këtu mund ta gjeni doracakun e plotë.
