28 shtator 2022 – Një shoqëri e drejtë gjinore në të cilën aborti do të jetë i sigurt, i ligjshëm dhe i aksesueshëm për të gjitha gratë, pa stigma dhe diskriminim – kjo është kërkesa që sot, më 28 shtator – Ditën ndërkombëtare të abortit të sigurt, mijëra mbështetës të lirisë riprodhuese po e adresojnë deri te qeveritë e tyre në mbarë botën. Me atë rast, Platforma për barazi gjinore thekson se qasja në shërbimet e shëndetit riprodhues duhet të garantohet, edhe në kohë krize.
Kjo është veçanërisht e rëndësishme nëse e marrim parasysh krizën ekonomike dhe ushtarake që ndikon drejtpërdrejt në stabilitetin financiar dhe social, dhe rrjedhimisht edhe në mirëqenien e njerëzve në mbarë botën, përfshirë edhe në vend. Edhe pse ligji ekzistues për ndërprerjen e shtatzënisë në Maqedoni është më liberal se ai i mëparshmi, ai ende nuk e parasheh mbulimin e shpenzimeve nëse ky shërbim shëndetësor kërkohet për arsye sociale apo materiale. Duke e trajtuar abortin si shërbim shëndetësor thelbësor vetëm kur ka arsye mjekësore, Fondi për sigurim shëndetësor dhe institucionet e tjera kompetente i vendosin në një situatë të pashpresë gratë që nuk duan të vazhdojnë shtatzëninë dhe që janë në rrezik social ose që jetojnë në varfëri.
Në më pak se një vit çmimet e abortit në spitalet private në Maqedoni janë dyfishuar dhe tani ky shërbim kushton 350-400 euro. Gjithashtu, aborti medikamentoz (aborti me ilaçe), i cili është opsion më i sigurt dhe më i lirë se metoda kirurgjikale, është i disponueshëm vetëm në Klinikën Universitare për Gjinekologji dhe Obstetrikë në Shkup, por jo vazhdimisht për shkak të ndërprerjes së shpërndarjes së barnave të nevojshme. Gratë nga qytetet e tjera, nga ana tjetër, nuk e kanë këtë alternativë jo vetëm për shkak të ilaçeve të padisponueshme, por edhe për shkak të stafit të trajnuar të pamjaftueshëm në spitalet shtetërore lokale.
Prandaj, Platforma për barazi gjinore apelon tek institucionet kompetente në vend që të njohin nevojën e grave të varfra dhe të margjinalizuara për abort dhe të ofrojnë çmime të përballueshme financiarisht për këtë shërbim shëndetësor thelbësor, veçanërisht në kohë krize. Përndryshe, shteti drejtpërdrejt (do) t’i shtyjë gratë në varfëri dhe pasiguri sociale akoma më të madhe dhe nuk përjashtohet që t’i detyrojë ato të kërkojnë alternativa më të lira të paligjshme për abortin, gjë që do të rrezikonte drejtpërdrejt shëndetin e tyre dhe mirëqenien e të dashurve të tyre.
Organizatat-anëtare të Platformës për barazi gjinore:
- Tiiiit! Inc.
- Lufto si femër
- Iniciativa qytetare femërore ANTIKO
- Shoqata Forumi i gruas
- Shoqata për mundësi të barabarta Semper
- Shoqata për zhvillim rural lokal
- Shoqata për mbështetje të punëtorëve të margjinalizuarSTAR-STAR Shkup
- Shoqata për avancimin e barazisë gjinore Aksioni “Zdruzhenska”
- Shoqata për emancipim, solidaritet dhe barazoi të grave – ESE
- Shoqata për zhvillim edukativ EKVALIS
- Instituti për shkenca shoqërore dhe humane
- Koalicioni “Margjinat”
- LezFem
- Rrjeti për mbrojtje nga diskriminimi
- Rrjeti kombëtar kundër dhunës mbi gratë dhe dhunës në familje
- Këshilli kombëtar për barazi gjinore
- organizata e grave të qytetit të Shkupit (OGSH)
- Organizata e grave të Komunës së Sveti Nikoles
- Organizata e grave “Kumanovka”
- Reaktor – Hulumtim në veprim
- Koalicioni rural
- Stela
- TAKT
- Komiteti i Helsinkit për të drejtat e njeriut
- HERA – Asociacioni për edukim shëndetësor dhe hulumtim
- HOPS – Opsione për jetë të shëndetshme Shkup
- Shoqata humanitare “Nëna”
- Qendra për hulumtim dhe krijimin e politikave (QHKP)
