Dënimi me kusht për gjinekologen strugan që punonte “në të zezë” me vite tregon se shëndeti i grave në vend nuk vlen as “pesë qindarka”. Bashkëpunëtorë janë të gjitha institucionet kompetente dhe Oda e mjekëve.
3 shkurt 2023 – Platforma për Barazi Gjinore është e tmerruar me aktgjykimin e Gjykatës Themelore të Strugës, e cila i shqiptoi dënim me kusht gjinekologut Muhamed Asani, i cili në periudhën 2015-2020 në mënyrë të kundërligjshme ka ofruar shërbime gjinekologjike në një ordinancë të paregjistruar në ordinancën në shtëpinë e tij. Gjithashtu, bie në sy fakti se Gjykata me këtë aktgjykim nuk ka vendosur ndalim për kryerjen e një profesioni, veprimtarie apo detyre, ndonëse kjo mundësi parashikohet në Kodin Penal.
Pavarësisht konstatimeve të Inspektoratit Shtetëror Sanitar dhe Shëndetësor, i cili ka kryer një mbikëqyrje të jashtëzakonshme të ordinancës dy vite më parë, pas së cilës ka bërë kallëzim penal dhe reagimeve të fuqishme të organizatave qytetare, Oda e Mjekëve nuk i ka hequr licencën e punës gjinekologut deri më sot, ndër pacientët e të cilit është edhe Jëldëz Veaposka. Kujtojmë se gjinekologu Asani në mënyrë të paligjshme e ka menaxhuar shtatzëninë e saj në ordinancën e tij shtëpiake dhe gjatë lindjes në spitalin e Strugës, të shënuar në dokumentacionin zyrtar si operacion standard, i ka hequr mitrën, veshkën dhe vezoren.
Ndaj, me shumë revoltë konstatojmë se në këtë mënyrë, si Gjykata ashtu edhe Oda e Mjekëve qëndrojnë në mbrojtje të praktikës së paligjshme shëndetësore në vend. Duke e kushtëzuar dënimin e veprimtarisë së paligjshme me pritjen e një krimi të mëtejshëm, ata jo vetëm që e përjetësojnë kulturën e mosndëshkimit, por gjithashtu e mbështesin pa mëdyshje neglizhencën sistematike të shëndetit të grave – në vend që të luftonin kundër saj.
Qasja në shërbime të paligjshme shëndetësore gjithmonë sjell një rrezik të madh për shëndetin e njerëzve, gjë që e vërteton edhe rasti i Veaposka, për të cilën Asani akuzohet edhe penalisht.
Prej këtu, Platforma për Barazi Gjinore kërkon:
- Nëse ankimi bëhet pas aktgjykimit të shkallës së parë në këtë mënyrë dhe çështja i jepet Gjykatës së Shkallës së Dytë, ajo duhet të vendosë një masë shtesë që ndalon ushtrimin e një profesioni, veprimtarie ose detyre, për kohëzgjatjen më të gjatë të parashikuar në Kodin Penal;
- Prokuroria themelore publike duhet të parashtrojë ankesë dhe të kërkojë dënim më të ashpër (burgim efektiv);
- Nëse aktgjykimi i shkallës së parë i marrë në këtë mënyrë është i plotfuqishëm, në procedurën në të cilën gjinekologu Muhamed Asani akuzohet se i ka hequr tre organe Jëldëz Veaposkës gjatë operacionit cezarian dhe seanca e radhës është caktuar për më 10 mars, krahas dënimit kryesor duhet shqiptuar dhe masa ndaluese e ushtrimit te profesionit, veprimtarisë ose detyrës;
- Oda e Mjekëve të marrë guxim dhe pas vendimit të djeshëm t’i heqë përfundimisht licencën e punës gjinekologut;
- Ministria e Shëndetësisë, në bashkëpunim me inspektoratet dhe institucionet kompetente, të dalin menjëherë në terren dhe të përfshihen në mënyrë proaktive për zbulimin dhe ndalimin e praktikave të paligjshme dhe fillimin e procedurave ndaj mjekëve që punojnë “në të zezë”.
Shëndeti i gruas duhet të jetë prioriteti kryesor për të gjitha institucionet dhe Odën e Mjekëve: ndaj rastet e praktikave të paligjshme që janë “kasaphane” potenciale nuk duhet të përsëriten në të ardhmen!
Organizatat-anëtare të Platformës për barazi gjinore:
- Tiiiit! Inc.
- Lufto si femër
- Iniciativa qytetare femërore ANTIKO
- Shoqata Forumi i gruas
- Shoqata për mundësi të barabarta Semper
- Shoqata për zhvillim rural lokal
- Shoqata për mbështetje të punëtorëve të margjinalizuarSTAR-STAR Shkup
- Shoqata për avancimin e barazisë gjinore Aksioni “Zdruzhenska”
- Shoqata për emancipim, solidaritet dhe barazoi të grave – ESE
- Shoqata për zhvillim edukativ EKVALIS
- Instituti për shkenca shoqërore dhe humane
- Koalicioni “Margjinat”
- LezFem
- Rrjeti për mbrojtje nga diskriminimi
- Rrjeti kombëtar kundër dhunës mbi gratë dhe dhunës në familje
- Këshilli kombëtar për barazi gjinore
- organizata e grave të qytetit të Shkupit (OGSH)
- Organizata e grave të Komunës së Sveti Nikoles
- Organizata e grave “Kumanovka”
- Reaktor – Hulumtim në veprim
- Koalicioni rural
- Stela
- TAKT
- Komiteti i Helsinkit për të drejtat e njeriut
- HERA – Asociacioni për edukim shëndetësor dhe hulumtim
- HOPS – Opsione për jetë të shëndetshme Shkup
- Shoqata humanitare “Nëna”
- Qendra për hulumtim dhe krijimin e politikave (QHKP)
