Rekomandimet për inkurajimin e ofrimit të shërbimeve për SHSR nga ana e mjekëve të familjes përmes përmirësimit në mënyrën e pagesës dolën nga gjetjet e Hartës së mjekëve të familjes për mbrojtje parësore shëndetësore në Maqedoni që e zbatuam në vitin 2021.
Harta, ndër të tjera, konfirmoi njohuritë e mëparshme për pengesat në ofrimin e aksesit të plotë në këto shërbime shëndetësore: burime të kufizuara njerëzore (numri i pamjaftueshëm i specialistëve të mjekësisë familjare dhe shpërndarja e pabarabartë territoriale e tyre); barra administrative e theksuar nga mangësitë në sistemet e të dhënave të shërbimit shëndetësor; mungesa e protokolleve për zbulimin e hershëm, diagnostikimin, trajtimin dhe ndjekjen e sëmundjeve të përshtatura me nivelin parësor të mbrojtjes; mangësitë në mënyrën e pagesës së mbrojtjes parësore shëndetësore; kufizimet ligjore; ndërgjegjësimi i pamjaftueshëm i popullatës etj.
Duke pasur parasysh se të drejtat seksuale dhe riprodhuese janë pjesë e të drejtave themelore të njeriut dhe e drejta për shëndet është çelësi për mirëqenien e të gjithë qytetarëve, këto rekomandime ofrojnë udhëzime se si mund të përmirësohen mënyrat e pagesës për të inkurajuar mjekët e familjes që të ofrojnë shërbime për shëndetin seksual dhe riprodhues.
Kjo është veçanërisht e rëndësishme duke pasur parasysh se aktualisht mjekët e familjes përfaqësojnë 21% të numrit të përgjithshëm të mjekëve të familjes (të zgjedhur), por edhe se në 3-4 vitet e fundit ka një trend të rënies së numrit të mjekëve që fitojnë këtë titull.
Rekomandimet për përmirësimin e mënyrës së pagesës mund ti gjeni në këtë link.
