Милош Стојановиќ е од Скопје, каде го има завршено и своето образование на Правниот факултет „Јустинијан Први“ при Универзитетот „Свети Кирил и Методи“.
Во ХЕРА е вклучен од самите почетоци, од 2001 година преку проектот „Имам право да знам“. Искуството го има стекнато преку учество во проектите имплементирани во ХЕРА во периодот помеѓу 2001 и 2006 година. Покрај искуството во невладиниот сектор, има присуствувани и на обуки за администрација, финансии и менаџмент организирани од други невладини организации и фирми од приватниот сектор.
Од април 2006 година е на функција административен и финансиски директор и раководи со целокупните финансии на организацијата.
