20.07.2018

Конкурс за социјален/на работник/чка

ХЕРА – Асоцијација за здравствена едукација и истражување објавува конкурс за ангажирање социјален/на работник/чка во Младинскиот центар „Сакам да знам“ во Шуто Оризари за периодот август – декември 2018 година.

Кандидат(к)ите треба да имаат:

  • Диплома за социјален/на работник/чка
  • Основни познавања на работа со компјутери (Microsoft office)
  • Минимум едногодишно искуство во работа со маргинализирани заедници
  • Одлично познавање на македонскиот и англискиот јазик
  • Изградени способности за тимска работа и комуникација
  • Државјанство на Република Македонија

Предност ќе имаат кандидат(к)ите со:

  • Искуство во работа со маргинализирани групи (мажи што имаат секс со мажи, лица кои инјектираат, сексуални работници/чки)
  • Искуство во теренска социјална работа
  • Искуство во работа со Роми

Најдоцна до 8 август 2018 година (среда) до 17.00 часот заинтересираните кандидат(к)и треба да достават:

  1. Електронска (скенирана) копија од диплома за завршено високо образование
  2. Кратка биографија
  3. Писмо за мотивација
  4. Една препорака од претходните ангажмани како социјален работник/чка

Ве молиме во апликацијата да наведете телефон и е-пошта за контакт.

Работниот ангажман се однесува за период од 5 месеци со полно работно време од 35 работни часа неделно со покриени придонеси за здравствено и пензиско осигурување. Предвидената плата изнесува 29.700,00 денари во бруто (односно, 20.266,00 денари во нето).  

Кандидат(к)ите кои ќе влезат во потесниот избор, ќе бидат повикани на разговор при што ќе треба да ги донесат оригиналните документи на увид.

ХЕРА гарантира дека сите пријавени кандидат(к)и ќе имаат исти услови при изборот без оглед на етничката припадност, родовата идентификација, сексуалната ориентација, возраста, брачниот и родителскиот статус, расата, попреченоста или која било друга основа.

Документите со назнака/предмет на пораката Конкурс за социјален/на работник/чка можете да ги доставите на следниов начин:

Електронски: konkurs@hera.org.mk
По пошта: ХЕРА – Асоцијација за здравствена едукација и истражување
ул. Франклин Рузвелт 51а/26, 1000 Скопје

Пријавените кандидат(к)и кои најдобро одговараат на критериумите дадени погоре ќе бидат повикани на интервју во рок од 5 работни дена од завршувањето на огласот.

 

Публикации

Кампањи

Сервиси

Работа со Х.Е.Р.А.

Анализа и предлог-модалитети: здравствената заштита за репродуктивното здравје во Македонија

Жените во Македонија, особено оние од социјално ранливите групи, се соочуваат со различен вид на бариери во обидот да се снабдат со услуги за репродуктивното здравје. Лошото репродуктивно здравје е причина за една третина од глобалното оптоварување со болест кај жените во репродуктивна возраст и една петтина од сите причини за глобалното оптоварување од болести кај општата популација.

Повеќе »

Чук, чук, извинете што пречам на часот, ССО кога ќе имаме?

Изминува уште една година без сеопфатно сексуално образование (ССО) во училиштата. Па, преку низа предновогодишни честитки испратени од Амстердам, Скопје, Естонија, Тирана и Данска, младите му порачаа на Министерството за образование и наука што сакаат да им донесе во новата 2019-та!

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Конкурс за ангажирање правен/-на советник/-чка

Во рамки на проектот „Унапредување на здравјето на Ромките”, ХЕРА – Асоцијација за здравствена едукација и истражување објавува конкурс за ангажирање правен/-на советник/-чка во Скопје, за периодот април – декември 2019 година.

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.