11.06.2018

Конкурс за практикант/ка во ХЕРА

Во 2016 година ХЕРА започна со нова програма за практикант(к)и со цел да им даде можност на младите да се развиваат и да градат искуство така што ќе станат дел од нејзините секојдневни активности.

Доколку сакаш да бидеш практикант/ка во ХЕРА, треба:

  •  да имаш помеѓу 18 и 25 години
  • да имаш најмалку една година волонтерско или активистичко искуство во формално или
    неформално здружение на граѓани
  • во последниве две години да имаш координирано или водено одредена активност како волонтер/ка
    или активист/ка
  • одлично да ги познаваш македонскиот и англискиот јазик
  • да имаш изградени вештини за логистика
  • да имаш изградени вештини за информатичка технологија (Word, Excel, PowerPoint, WordPress,
    социјални медиуми)
  • навремено да ги исполнуваш зададените задачи

Предност ќе имаат оние кандидат(к)и кои завршиле:
– обука од областа на сексуалното и репродуктивното здравје (СРЗ) и човековите права и
– модул на сеопфатно сексуално образование (ССО)

Избраниот/та практикант/ка ќе помага во спроведувањето на активностите поврзани со младинската програма на ХЕРА и така ќе стекнува соодветно искуство и знаење. Практикантот/ката ќе волонтира на активности со цел зголемување на учеството на младите од младинската група на ХЕРА во промоција на СРЗ и ССО, како и на нивната вклученост како едукатори за ССО.

Практикантот/ката ќе подготвува редовни извештаи за спроведената работа пред координаторката на младинската програма. Предвиденото време за волонтирање на практикантот/ката е секој работен ден од 08.30/9.30 до 12.30/13.30 или од 12.30/13.30 до 16.30/17.30 часот. Вкупниот број на часови за волонтирање во неделата изнесува 20 часа. Практикантот/ката добива нето месечен надоместок за трошоци за храна и
превоз во износ од 4.654,00 денари.

Доколку сакаш да станеш дел од ХЕРА, испрати ни:

  1. кратка биографија во која ќе ги наведеш и активностите кои си ги спровел/а како волонтер/ка или активист/ка, како и обуките што ги имаш поминато,
  2. пополнета апликација за практикант/ка во ХЕРА и
  3. индивидуална препорака од одговорно лице во здружението каде што го стекна претходното волонтерско искуство.

Документите со назнака/предмет на пораката Конкурс за практикант/ка испрати ги на konkurs@hera.org.mk најдоцна до 20 јуни (среда).

Сите кандидат(к)и кои ќе влезат во потесниот избор, ќе бидат повикани на разговор. Те молиме наведи и телефон и e–адреса за контакт. Сите кандидат(к)и ќе бидат известени за резултатите по електронски пат во рок од 8 дена по затворање на конкурсот.

Публикации

Кампањи

Сервиси

Работа со Х.Е.Р.А.

Анализа и предлог-модалитети: здравствената заштита за репродуктивното здравје во Македонија

Жените во Македонија, особено оние од социјално ранливите групи, се соочуваат со различен вид на бариери во обидот да се снабдат со услуги за репродуктивното здравје. Лошото репродуктивно здравје е причина за една третина од глобалното оптоварување со болест кај жените во репродуктивна возраст и една петтина од сите причини за глобалното оптоварување од болести кај општата популација.

Повеќе »

Чук, чук, извинете што пречам на часот, ССО кога ќе имаме?

Изминува уште една година без сеопфатно сексуално образование (ССО) во училиштата. Па, преку низа предновогодишни честитки испратени од Амстердам, Скопје, Естонија, Тирана и Данска, младите му порачаа на Министерството за образование и наука што сакаат да им донесе во новата 2019-та!

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Конкурс за ангажирање локален консултант за активности на НКМ за одржливост

Целта на ангажманот е спроведување oбуки и работилници за да се обучат невладините организации кои спроведуваат превентивни сервиси за ХИВ во пишувањето проектни апликации за дополнителни финансии од дополнителни донатори за одржливост на активностите.

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.