23.02.2018

Интерпартиска парламентарна група ќе ги унапредува правата на ЛГБТИ луѓето

Денеска (23 февруари 2018 година) во Собранието на Република Македонија се одржа конститутивната седница на Интерпартиската парламентарна група која ќе работи на унапредување на правата на ЛГБТИ луѓето. На настанот беа присутни пратеници, амбасадори и претставници на Националната мрежа против хомофобија и трансфобија. За прв пат во историјата на Македонија, народните избраници и избранички во Собранието јасно и гласно покажаа дека се претставници на сите граѓани и граѓанки без разлика на нивната сексуална ориентација и родов идентитет.

На оваа прва средба, Парламентарната група ги избра пратеничката Маја Морачанин за координаторка и Павле Богоевски за заменик-координатор. Пратеничката Морачанин направи ретроспектива на лошите состојби со правата на ЛГБТИ луѓето и изрази надеж дека оваа група прави важен исчекор кон подобрување на состојбата со човековите права и демократијата.
„Денес не е денот кога оваа држава обезбедува заштита за луѓето со поинаква сексуална ориентација и родов идентитет еднаква на останатите граѓани. Но, денес е денот кога за прв пат внесуваме структурирана дебата заснована на докази во институциите на нашиот систем. Немојте да грешите, ова е ден кога пишуваме историја и кога го правиме првиот чекор кон тоа ЛГБТИ луѓето да бидат рамноправни со останатите граѓани на Република Македонија.“ – изјави пратеникот Павле Богоевски во неговиот поздравен говор. Пратеникот Бранко Маноиловски, кој е член на Парламентарната група, ги повика останатите пратеници да се бават со актуелните пробелми во општеството, а не да живеат во минатото.
Во Групата членуваат 13 пратеници од постојниот собраниски состав од различни политички партии и тоа, Лилјана Поповска (ДОМ), Маја Морачанин (ДОМ), Бранко Маноиловски (ДУИ), Павле Богоевски (независен пратеник), Ивана Туфегџиќ (независна пратеничка), Ирена Стефоска (независна пратеничка) Јулијана Николова (ЛДП), Никица Корубин (ЛДП), Петар Атанасов (СДСМ), Јагода Шахпаска (СДСМ), Соња Мираковска (НСДП), Славица Шуманска Митева (СДСМ) и Александар Кирацовски (СДСМ).
На средбата, Драгана Дрндаревска ја презентира „Процената на знаењето, ставовите, практиките и потребите на пратениците во Собранието на Република Македонија во врска со човековите права на ЛГБТИ луѓето и заштитата од дискриминација“, спроведена од членки на Националната мрежа за борба против хомофобија и трансфобија во 2017 година во рамки на проектот „Собранието и локалната самоуправа во унапредувањето на правата на ЛГБТИ“ со поддршка од Амбасадата на Кралството Холандија во Република Македонија. Еден од заклучоците од анализата е дека: „Пратениците од парламентарното мнозинство и повеќето од пратениците од албанските политички партии, даваат поддршка за заштитата од дискриминација, насилство и говор на омраза кон ЛГБТИ луѓето“.
Мисијата на Интерпартиската парламентарна група е да се застапува за унапредување на правата на ЛГБТИ луѓето, користејќи ги достапните механизми на Собранието на Република Македонија со цел градење на општество во кое сексуалната ориентација и родовиот идентитет нема да претставуваат пречка за целосно уживање на човековите права и слободи.
Националната мрежа за борба против хомофобијата и трансфобијата го поздравува и поддржува овој процес и ги поканува и останатите пратеници кои ги застапуваат човековите права и слободи, да им се приклучат на своите колеги и колешки во Интерпартиската парламентарна група за унапредување на правата на ЛГБТИ луѓето.
До правда, до слобода!
Национална мрежа за борба против хомофобијата и трансфобијата

Публикации

Кампањи

Сервиси

Работа со Х.Е.Р.А.

ХИВ: Колку прашања, толку одговори

Во рамки на Европската недела на ХИВ, која се одржа од 23 до 30 ноември 2018 година под мотото „Тестирај. Лекувај. Превенирај“,  ХЕРА ја подготви и брошурата „Прашања и одговори за ХИВ“ која ги дава одговорите на најчестите прашања поврзани со ХИВ.

Повеќе »

Чук, чук, извинете што пречам на часот, ССО кога ќе имаме?

Изминува уште една година без сеопфатно сексуално образование (ССО) во училиштата. Па, преку низа предновогодишни честитки испратени од Амстердам, Скопје, Естонија, Тирана и Данска, младите му порачаа на Министерството за образование и наука што сакаат да им донесе во новата 2019-та!

Повеќе »

Бесплатни услуги

ХЕРА нуди низа бесплатни, анонимни и доверливи сервиси од областа на сексуалното и репродуктивно здравје. ХИВ тестирање, гинеколошки и дерматовенеролошки прегледи, бесплатна правна помош, дистрибуција на кондоми и едукативни материјали, советување

Повеќе »

Конкурс за вработување асистент/ка на проект на определено време

ХЕРА – Асоцијација за здравствена едукација и истражување објавува конкурс за вработување на определено време за позицијата асистент/ка на проект за потребите на проектот „Зголемување на националните капацитети за креирање и имплементирање на политики за сексуално и репродуктивно здравје на принцип на човекови права, вклучително во хуманитарни и кризни состојби”, поддржан од Фондот за население на Организацијата на Обединетите Нации (УНФПА).

Повеќе »

Партнери


Civica Mobilitas Opstina Centar European Delegation in Macedonia UN Women Groupe SOS CFSD Embassy of the United States Skopje, Macedonia Netherlands Embassy in Skopje, Macedonia Astra Network Град Скопје The Global Fund EGAL Коалиција СЗПМЗ Коалиција хомофобија Комерцијална банка Министерство за здравство IPPF - IPPF European Network National partnerscratic Institute NDI Национален младински совет Општина Струмица Македoнска платфoрма прoтив сирoмаштијата Радио МОФ УНФПА Фондација отворено општество – Македонија (ФООМ) http://psihologija.com.mk/
Copyright 2013 - HERA All rights reserved.