Mënyra e vetme për të kuptuar statusin personal për HIV-in është të bëhet një test HIV. Sa më herët të kuptohet statusi HIV, aq më herët personi HIV pozitiv mund të ketë qasje në terapinë si dhe shërbimet mbështetëse, duke ruajtur kështu imunitetin dhe duke qenë në gjendje të jetojë një jetë cilësore dhe të gjatë.
Statusi i HIV-it mund të zbulohet gjithashtu përmes vetë-testimit, domethënë me një test të shpejtë HIV për përdorim në shtëpi. Ky test siguron një rezultat të shpejtë dhe të saktë në kushte diskrete – në shtëpi ose në një vend dhe kohë të zgjedhjes personale – pa përfshirë një person tjetër në procesin e testimit.
Duke pasur parasysh që vetë-testimi për HIV-in është një mënyrë inovative e testimit për HIV, ne kemi përgatitur broshurën “Gjithçka që duhet të dini për vetë-testimin e HIV-it”. Broshura përmban informacione për përfitimet dhe metodën e testimit me kompletin e vetë-testimit të HIV-it, si dhe për jetën me HIV, për mënyrat se si (nuk) transmetohet ky virus dhe për infeksionet e tjera seksualisht të transmetueshme. Në fund renditen të gjitha institucionet shëndetësore dhe shërbimet shëndetësore të organizatave të shoqërisë civile që ofrojnë këshillim dhe testim falas dhe konfidenciale për HIV-in.
Broshura është në dispozicion në gjuhën maqedonase këtu. Nëse dëshironi të testoheni me HIV testin e shpejtë për përdorim në shtëpi, plotësoni këtë pyetësor.
Që të njoftoheni më hollësisht rreth mënyrës së kryerjes së testit, shihni video-udhëzimin për përdorimin e testit të shpejtë oral të HIV për përdorim në shtëpi në linkun në vijim.
