Sot (21 shtator) është mbajtur Mbledhja vjetore e HERA-s për vitin 2024, në të cilën anëtarëve të shumtë janë prezantuar të arriturat dhe aktivitetet e realizuara gjatë vitit të kaluar. Manifestimi u hap me fjalën përshëndetëse nga kryetarja, Rumena Gjerdovska Kojçeski, e cila e theksoi rëndësinë e punës ekipore dhe përkushtimin e anëtarëve për realizimin me sukses të programeve dhe iniciativave të organizatës, pas së cilës vazhdoi me prezantimin e Raportit vjetor të programit për vitin 2023 dhe e prezantoi strategjinë e re të komunikimit të organizatës, duke e theksuar rëndësinë e transparencës dhe angazhimit publik në punën tonë.
Raportin financiar për vitin 2023 e prezantoi sekretarja e Këshillit drejtues, Meri Kokanovska, duke shpjeguar në detaje rezultatet dhe qëllimet e arritura financiare. Përveç kësaj, Ana Poprizova, anëtare e Këshillit drejtues, ndau historinë e suksesit të Qendrës BD – Qendra për mbështetjen e burrave dhe djemve, e cila ka arritur rezultate të rëndësishme gjatë vitit.
Këtë vit Kuvendit iu prezantuan shtatë anëtarë të rinj, të cilët shprehën mbështetjen e tyre për misionin dhe vizionin e HERA-s dhe ndanë motivet e tyre për anëtarësim në organizatë. Gjithashtu, përfaqësuesi i ri i të rinjve u zgjodh në Këshillin drejtues, i cili e konfirmon përkushtimin e HERA për përfshirjen aktive të të rinjve në vendimmarrje.
I falënderojmë të gjithë anëtarët dhe mbështetësit për besimin dhe përkushtimin e tyre të vazhdueshëm. Së bashku, ne vazhdojmë të ndërtojmë HERA-n si një organizatë që frymëzon dhe krijon ndryshime pozitive në shoqëri!
