Më 13 qershor 2016, Elizabeta Bozhinovska u drejtua në mbledhjen e 58-të të Komitetit për të drejta ekonomike, sociale dhe kulturore pranë KB-ve në Gjenevë, lidhur me Raportin periodik 2, 3 dhe 4 të Republikës së Maqedonisë sipas Paktit ndërkombëtar për të drejta ekonomike, sociale dhe kulturore.
Duke iu reflektuar asaj si qasje kufizuese deri te informatat për shëndet seksual dhe riprodhues në shkolla; qasja e dobët deri te kontracepsioni modern; dhe pengesat ligjore për abortin i privojnë gratë nga e drejta e tyre për shëndet, ajo deklaroi:
Numri i të rinjve të cilët në shkollë marrin informata lidhur e atë se si të përdorin prezervativ ose kontracepsion oral është i vogël, që flet se kanë qasje të kufizuar deri te informatat për atë se si ta mbrojnë SHSR të tyre, derisa programet dhe librat aktual shkollor përmbajnë informata të pavlefshme, të vjetra dhe anësore, si dhe stereotipa gjinor me qëllim të qartë të shkaktojnë urrejtje ndaj njerëzve me orientim të ndryshëm seksual dhe identitet gjinor.
Kontracepsioni modern nuk është i kapshëm për gratë dhe vajzat. Maqedonia është një nga vendet me shkallë më të ulët të përdorimit të kontracepsionit në Evropën Juglindore dhe në Evropë në përgjithësi. Mjetet moderne për kontracepsion nuk mbulohen me sigurimin shëndetësor. Popullata më e varfër nuk mund t’ia lejojë vetes bile edhe mjete më të lira për kontracepsion oral.
Në vitin 2013 u miratua ligji i ri, restriktiv për abortin, gjatë së cilës Qeveria nisi edhe fushatë kundër abortit. Me këtë ligj u miratuan disa pengesa juridike në qasjen deri te aborti:
Kërkesë me shkrim e domosdoshme- Këshillim i domosdoshëm për shkak të bindjes
- Periudhë e obligueshme e pritjes
- Gjoba të larta për ofruesit e shërbimeve mjekësore.
Mospasja e qasjes deri te informatat dhe shërbimet është e dëmshme për jetën, por edhe për shëndetin fizik dhe mental të gruas, e veçanërisht të atyre grave të cilat për shkak të varfërisë së tyre, pabarazisë gjinore ose dhunës familjare do të jenë të detyruara të kërkojnë shërbime të pasigurta për abort. Para do kohe, shtatzënia e fshehtë e një studenteje përfundoi me abort spontan gjatë ekskursionit të saj si absolventë; studentes nuk i është ofruar ndihmë mjekësore ose psiko-sociale, ndërsa në media u stigmatizua publikisht si vrasëse e foshnjës. Kemi dëshmi për raste të aborteve spontane të pashmangshme dhe vdekshmërinë fetale, kur gratë – për shkak të ligjit të ri për abortin – kanë qenë të detyruara të presin të skadojë periudha e obliguar prej tre ditëve për pritje para se të kryhet intervenimi mjekësor. Brengos edhe fakti se Shteti ka shkallë më të lartë të vdekshmërisë perinatale në Evropë. Rritet edhe prevalenca e infektimeve seksualisht të transmetueshme, veçanërisht të klamidias.
Masat e parapara këtu janë regresive dhe nuk janë në pajtim me Paktin.
Me gjithë respektin, i propozojmë Komitetit që t’i bëjë thirrje Shtetit që të kujdeset që të gjithë individët dhe grupet të kenë qasje deri te edukimi gjithëpërfshirës seksual, që do të jetë jo diskriminues, i paanshëm, i bazuar në dëshmi dhe i cili do ta marre parasysh kapacitetin zhvillimor të fëmijëve dhe adoleshentëve; të mundësojë qasje adekuate deri te shërbimet për planifikim të familjes për të gjitha gratë, ashtu që me sigurimin shëndetësor publik do t’i mbulojë shpenzimet për mjetet moderne për kontracepsion.
